Jakin 266

Paulo Iztueta Armendariz idazle, pentsalari eta kultur eragilearen bizitzan eta jardunean sakontzeko aukera eskaintzen digu elkarrizketak: haurtzaroa Berastegin; ikasketak Tolosako eta Areatzako sakramentinoetan; Arnas aldizkariaren sorrera eta hango lanak; apaiz ordenazioa eta Erromako Filosofia ikasketak; Ipiñaburuko parrokiatik Parisera ihes egin beharra; Parisko bizitza eta Soziologia eta Historia ikasketak; sekularizatzeko erabakia eta erbestetik itzulera; Zabal aldizkari eta liburu dendaren eta Elkar argitaletxearen sorrerak; kultur aldizkarien, liburuen, kultur egitasmo eta auzien inguruko gorabeherak eta garaiko kulturgile eta intelektualekin izandako harremanak; UZEIko hiztegigintza lanak; EHUko Donostiako Pedagogia Fakultateko irakasle eta ikertzaile lanak; Utriusque Vasconiae argitaletxearen sorrera eta ekarpena; euskal pentsamenduaren defentsa eta aldarrikapena...

Joseba Intxaustik Euskararen Historia Sozialari egindako ekarpena aztertzen da. Ondorioztatzen da segurarrak geruza askodun mapa bat utzi zigula. Mapa horretan, Euskal Herriaz gain beste lurralde bat nabarmentzen da: Katalunia.