Jakin 244
14 €
Gaiak sailean, lau artikulu datoz, gai hauen inguruan: Gaur taldeko artisten lengoaia plastikoaren hedatzearen eta Eusko Jaurlaritzaren kultur politiken arteko harremana (Ane Lekuona Mariscal), traumaren dinamika euskal literaturan (Nerea Arruti Etxeberria), iruditeria kolektiboen sorkuntza eta ikus-entzunezko hedapena (Gaizka Aranguren Urrotz) eta Laboaren Lekeitioak eta kontzientzia modernorako jauzia 70eko hamarkadatik aurrera (Juan Gorostidi Berrondo).
Zuzendariaren hitzak
Lorea Agirre DorronsoroSummary
Artikuluak
Gaur taldeko artisten lengoaia plastikoaren hedatzearen eta Espainiako trantsizio urteetatik aurrerako Eusko Jaurlaritzaren kultur politiken arteko harremana aztertzen da, eta haren ondorioak ikuspuntu feminista batetik hausnartzen dira.
Traumaren dinamika aztertu nahi da literaturan, trauma bera eztabaida kritikoaren hezurdura bilakatu gabe. Traumaren denbora narratiboan jartzen da arreta, eta 2018an argitaraturiko Fakirraren ahotsa du ardatz.
Gizatalde bakoitzak bere zopa egiten du. Munduko zopa-lapikoen arteko interakzioa eltzeen tamaina eta suaren indarraren araberakoa da. Pantailaratzeak baldintzatzen du, egun, zoparen biziraupena.
Euskaldunok joan den mendeko 70eko hamarkadatik aurrera bizi izan genuen ‘Kontzientzia Modernorako’ jauziaren ezaugarriez egiten da gogoeta, Laboaren Lekeitioak jauzi horren erdian eta seinale gisa hartuz.
Egin zaitez Jakinkide
Hemen duzu Jakinen ondare guztia. Eta gehiago. Euskal kultura elikatzen eta biziberritzen jarraitzeko berritu dugu Jakin. Eta, orain arte bezala, Jakinen hartzaileok izango zarete gure sostengua.
Egin Jakinkide