Jakin 213. zenbakia. 2016
14 €
Gai nagusia sailean, Durangoko Azokako ‘Gogoetaren plazan’ 22 kultur sortzailek kulturaren gainean egindako gogoetak jaso dituzte Iñigo Astiz eta Miren Rubiok, eta Durangoko Azokaren beraren balio ukiezinen inguruko ikerketa aurkeztu dute Xabier Landabidea eta Nerea Mujikak. Liburuak sailean, 2014ko euskal liburugintza aztertu du Joan Mari Torrealdaik (1976tik egindakoaren ildo beretik).
Digitalean
Irakurri pdfZuzendariaren hitzak
Lorea Agirre DorronsoroSummary
Artikuluak
Gerediaga Elkarteak eta Jakinek Durangoko Azokan antolatutako ‘Gogoetaren plaza’ jardunaldietako saioak hasieratik bukaerara gurutzatu zituzten bi gai nagusiei buruz esandakoak biltzen dira: euskal kulturarentzako hitzarmen bat negoziatu eta adosteko beharraren ideia, eta euskal kulturaren ikusezintasunaren auzia.
Durangoko Azokaz hedabideek salmenta eta bisitarien kopuruen inguruan ematen dituzten zenbakietatik harago, zazpi lekukoren bizipenetatik abiatzen da Azokaren balio ukiezinei buruzko galderei erantzun batzuk jartzen hasteko: zer eman dio Azokak (euskal) hizkuntza, kultura eta identitateari? Zer diosku, gaur, transmisioaren ideiari buruz?
Joan Mari Torrealdaik, aurreko urteetan egindakoaren ildo beretik, 2014an euskaraz argitaratutako liburuen azterketa aurkezten du. Honako alderdi hauek landu ditu: lehenik, liburu produkzioaren zifren iturriak; bigarrenik, argitalgintzari dagokionez, liburu ekoizleen izaera eta aniztasuna, argitaletxe emankorrenen aipamena eta kanpoko eta bertoko argitaletxeen ekoizpenaren konparaketa; hirugarrenik, argitalpenaren zenbakien inguruan, argitaratutako tituluen zifrak eta nobedadeak eta berrargitalpenak; eta, azkenik, gai multzoen sailkapenari buruzko datuak eta azterketa.
Beste zenbaki batzuk
