Jakin 251
14 €
Gai nagusia sailean, 2040ko Euskal Herriko demografiaren, lurraldearen, zaintzaren eta hizkuntzaren prospektiba jorratzen dute Imanol Esnaola Arbiza, Jule Goikoetxea Mentxaka, Felix Arrieta Frutos, Garikoitz Goikoetxea Etxeberria eta Itsaso Olaizola Azurmendik.
Zuzendariaren hitzak
Summary
Artikuluak
Euskal Herriaren geroa nolakoa izango den galdetzeak jarrera aktiboa eskatzen du, nolakoak izan nahi dugu? Iraganeko erabaki arrotzen ondorioak nozitzen ari garen honetan (hazkunde demografikoaren ondorioak, lurralde desorekak...), etorkizunean izan nahi dugunaren oinarriak jartzea dagokigu, baina ez gara bakarrak izango.
Espazioaren produkzioaren eta ongizatearen arteko lotura aztertzen da. Espazio neoliberal eta patriarkalaren sorkuntza zer den azaldu eta espazio emantzipatzaileak ekoizteko bideak, metodoak eta utopiak plazaratzen dira.
Pandemia ondorengoak zaintzaren beharraren inguruan marraztutako kontsentsu zabala aztertu eta egun indarrean dagoen gizarte zerbitzuen sistematik benetako zaintza sistema batera iragateko eman beharreko pauso eta aukerak deskribatzen dira.
Euskararen azken hamarkadetako bilakaera eta gaur egungo egoera oinarri hartuta, 2040rako norabidea eta eragiteko gako nagusiak aztertzen dira.
Garapen eredua eta hizkuntza garapena lotuz, euskararen aldeko testuinguru fisiko eta sozialen balioan jartzen da azpimarra. Lurralde bizigarria euskaraz eta euskaratik eraikitzea zergatik den estrategikoa hausnartzen da, eta, hizkuntza-ekologiaren begiradatik, demografia, lurraldea eta zaintza aldagaiekiko erronka/galdera/aukerak identifikatzen dira.
Beste zenbaki batzuk
