Kant eta modernitatearen iraultza

Liburu hau 2004ko uztailaren 19tik 21era Bilboko UPV/EHU-BBK Etxean egindako «Modernitatearen oinarri kantiarrak» jardunaldietatik jaio da. Ikastaro horretan, hainbat adituk Immanuel Kanten filosofia eta iraultza aztertzen dituzte, beti ere kontuan hartuz zein izan zen Ilustrazioaren eta Modernitatearen intelektual(ar)en zeregina. Aldi berean agerian uzten dute nondik sortu ziren Kanten sustraiak, non geratu den bere eragina, noraino heldu den bere pentsaera. Egungo gizartean Kanten testuek duten gaurkotasuna ere aztertzea proposatzen dute jardunaldiotako parte-hartzaileek. Bere idazlanetan Ilustrazioaren argi eta itzalak irakur ditzakegu: gerra eta bakea, arrazoimena eta sentipena, teoria eta praktika, etika eta politika, zientzia eta erlijioa, iraultza eta despotismoa, askatasuna eta esklabotza. Ignazio Aiestaran, Juan Bautista Bengoetxea, Ibon Uribarri, Fito Rodriguez, Cristina Lasa, Esteban Antxustegi, Jose Maria Cobo, Markos Zapiain eta Laura Mintegiren idazkiak biltzen ditu Ignazio Aiestaranek argitaratutako liburu honek.