2020ko liburugintza

Katalogoa deskargatu pdf

Azterketa

Euskal liburugintza 2020

Xabier Eizagirre Gesalaga

Filosofian lizentziaduna eta JAKINeko erredakzio burua

 

2020an pandemiak harrapatu gintuen bete-betean. Osasun krisi larriaz gain, gure bizitza eredua, munduaren erritmoa, kolokan jarri ziren. Zer esanik ez, ekonomiak, industriak, merkataritzak… behera egin zuten. Liburu ekoizpenak ere ez zion ihes egin olatu erraldoi horri: gure inguruko erreferentzia bat ematearren, Espainiako zein Frantziako estatuetan liburuen ekoizpena %9 inguru jaitsi zen 2019tik 2020ra (erants dezagun jaitsiera hori paperezko liburuari dagokiola osorik, bietan liburu digitalak gora egin baitzuen). Euskarazko liburugintzak, berriz, nabarmen egin zuen gora tarte berean, bai analogikoak, bai digitalak –bereziki–: 2019an baino %11,4 titulu gehiago (262, zehazki). Hona hemen zifra gordinak: pandemiaren lehen urtean, 2.569 liburu argitaratu ziren euskaraz, 2019ko 2.307 tituluak erraz gaindituz.

Ekin diezaiogun, bada, 2020ko euskal liburugintzaren azterketari, Joan Mari Torrealdaik 1976an abian jarritako euskal liburugintzaren azterketa lerroari segida emanez.

 

Metodologia eta bibliografia

Informazioaren bilketa

Urtero egin ohi dugun liburu ekoizpenaren azterketak egitura eta metodologia bera du beti.

Lehenengo eta behin, liburuen katalogoa osatzen dugu.

Eta, horretarako, liburuen bilketari ekiten diogu. Dirudiena baino nekezagoa da liburuen informazioa inguratzea. Guk aurrena informazioaren gune zuzenera jotzen dugu, editorialetara, eta gero sare pelagikoaz baliatzen gara. Ez pentsa euskal argitaletxe guztiek informazioa eskura ematen digutenik. Eta, tamalez, kanpoko argitaletxeekin areagotu egiten da bilketarako zailtasuna.

2020ko gure informazio iturriak hauek izan dira:

• Argitaletxe eta argitaratzaileak zuzenean: %26,9.
• Liburutegiak, Koldo Mitxelena Kulturunea eta Donostiako Udal Liburutegi Nagusia: %18.
• ISBN (International Standard Book Number), ELSN (Euskadiko Liburutegien Sistema Nazionala) eta EIPS (Euskadiko Irakurketa Publikoko Sarea) arakatuz lortua: %53,8.
• Bestelako bideak (Internet, Biblioteca Nacional espainiarra…): %1,3.

2019an bezala, argitaletxeetatik zuzenean jasotzen dugun informazioa gutxitu egin da aurreko urteetatik, %26,9raino. Informazio iturri fidagarri eta seguruena den heinean, jaitsiera hori ez da seinale ona; areago, liburutegietatik jasotakoa ere %18ra jaitsi dela aintzat hartzen badugu. Bi iturrion artean %45era bakarrik iritsi gara; duela bospasei urte, ordea, %60ra iristen ginen. Gure ustez, kopuru horietara itzultzea litzateke ideala, datuen fidagarritasunean irabaztearren. Sare pelagikoekin lortzen dugun informazioak beti du nahasi eta heterogeneoagoa izateko arriskua.

Informazioa ahalik eta zehatzen bildu eta gero, liburu bakoitzaren fitxa bibliografikoa osatzen dugu, dozena bat datu edo ezaugarriren inguruan: titulua, autorea, itzultzailea, elebitasuna, argitalpen maila, moldatzailea, argitaratzailea, koedizioa, herria, neurriak, orrialde kopurua, gaia.

Jaso eta bilatzen dugun informazioari esker fitxa bibliografikoak osatu ondoren, urteko katalogo osoa gure webgunean jartzen dugu kontsultagai. Gainera, azterketarako erabili ditugun tituluak baino gehiago daude webguneko zerrendan: eduki aldetik interesgarriak diren eta arrazoiren batengatik ISBN gabe argitaratu diren batzuk ere eransten dizkiogu ISBNdunen zerrendari. 2020ko katalogoak 2.780 titulu biltzen ditu guztira: ISBN duten 2.569 titulu eta ISBN gabeko 211.

Azterketa hiru ataletan

Informazioa bildu ondoren, hiru ataletan banatzen dugu azterketa: ekoizleak eta ekoizpena, eskaintza editoriala eta ekoizpen tematikoa.

1. Ekoizleak eta ekoizpena: iturri desberdinen araberako titulu kopuru desorekatua, ekoizle kopurua, hamar argitaletxe nagusien ekoizpena, argitaratzaileen tipologia eta tipologiaren araberako produkzioa.
2. Eskaintza editoriala: tituluak zenbat diren, horien artean zenbat diren nobedade eta zenbat berrargitalpen, zenbat diren jatorrizko eta zenbat itzulpen.
3. Ekoizpen tematikoa: urteko ekoizpena –aurtengo 2.291 tituluak, esate baterako– nola banatzen dira gai eremutan? Horri erantzuteko, sei gai eremu nagusi bereizten ditugu: hezkuntza eta irakaskuntza liburua, haur eta gazteentzako liburua, giza eta gizarte zientzietako liburua, helduen literatura, zientzia eta teknika alorrekoa eta aisia liburua.

Aurtengo azterketaren atarian

Honako hauek dira 2020ko liburugintzak eman dituen datu kuantitatibo esanguratsuenak:

• Argitaratzaileei dagokienez, 281 izan dira 2020an: ekoizleen kopurua ez da urtetik urtera modu esanguratsuan aldatzen, 300 inguru dabil aspaldi; baina egia da, orobat, azken urteetan pittin bat murriztu dela. Jakina, ekoizle ugari horien artean denetik dago: argitaletxeak eta argitaratzaileak, txikiak eta handiak, profesionalak eta amateurrak, bertakoak zein kanpokoak, publikoak eta pribatuak, izaera askotarikoak.
• Eskaintza editorialari dagokionez, 2020ko ISBNdun tituluen kopurua 2.569 da, horietatik %72,6 bertsio analogikoan (paperean) eta %27,4 digitalean.

Iaztik hona 262 titulu gehiago argitaratu da. 2019an bezala, digitalean izan da gehikuntza ia osoa (225 titulu); liburu analogikoak 37 titulu bakarrik egin du gora.

Nobedadeak %73,5 dira, 1.889 titulu, iaz baino 169 gehiago. Berrargitalpenen kopuruak, 680 titulu, 109 unitate irabazi ditu iaztik, eta %26,5 dira aurten.

• Gaiei dagokienez, hezkuntza eta irakaskuntza liburuak erraz eutsi dio lehen tokiari, 1.110 titulurekin (ekoizpen osoaren %43,2, iaz baino ia zazpi puntu gehiago).

Haur eta gazteentzako liburua dator bigarren tokian, 644 titulurekin (%25,1, iaz baino puntu eta erdi gutxiago).

Giza eta gizarte zientzietako liburua bere ohiko hirugarren tokian dago, 330 titulurekin (%12,9).

Helduen literatura, aldiz, laugarrenean dator (296 titulu, %11,5).

Bosgarren tokia aisia liburuari dagokio (98 titulu, %3,8), eta seigarrena zientzia eta teknika alorreko liburuari (70 titulu, %2,7).

Ekoizleak eta ekoizpena

Iturri estatistikoak

Urtero konparatu ohi ditugu iturri estatistiko ezberdinek liburugintzari buruz egindako azterketetan eskaintzen dituzten datuak. Izan ere, datuen arteko aldea esanguratsua da oso: aski da ondoko taulak erakusten duen bost urteko lagin hori ondorio berberera iristeko, hau da, zein den handia batzuen eta besteen emaitza desberdintasuna eta, batez ere, beste biekin alderatuz gurea.

Urtea / Iturria	PEEL	Precisa / Conecta	Jakin
2016	1.644	1.790	2.257
2017	1.430	1.958	2.341
2018	1.116	1.842	2.186
2019	1.254	1.847	2.307
2020	–	2.055	2.569

Konbentziturik gaude guk ere besteen informazio iturriak eta besteen metodologia erabiliko bagenu emaitza berdintsuetara iritsiko ginatekeela. Oro har, Espainiako Kultura Ministerioaren Panorámica de la edición española de libros (PEEL) azterketa lege-gordailuz hornitzen omen da (2020ko datua falta zaigu, azterketa hau burutzean urte horretako txostena ez baitute oraindik argitaratu). Euskadiko Editoreen Elkartearentzat eta Espainiako Editoreen Elkarteen Federazioarentzat lan egiten duen Conecta etxeak, aldiz, editoreei egin ohi dien kontsulta du informazio iturri. Guk ere, informazio iturri bakartzat argitaletxeak hartuta, jasotako informazioaren %26,9 bakarrik izango genuke esku artean. Horren jakitun, jarrera proaktiboa dugu, ahalik eta informazio gehien jasotzeko. Batean eta bestean jasotzen dugun informazioak ez duela fidagarritasun bera pentsa dezake norbaitek, baina ISBNk ematen du ziurtasun zigilua.

2020an, izan ere, Conectaren datuetatik are gehiago urrundu dira guk lortutakoak: 2019an 460 titulu gehiago katalogatu bagenituen, 2020an 514 gehiago izan dira. Ondoren egiten diren azterketa guztiak jasotako datu gordin horietan oinarritzen direnez, nabaria da bakoitzaren irismena eta balioa zein izan daitekeen.

Orrialde kopuruak

Orrialdeak / Urtea	2016	2017	2018	2019	2020
Orrialdeak guztira	269.232	252.626	239.190	245.091	240.798
Liburuak guztira	1.778	1.834	1.897	1.827	1.864
Batez beste liburuko	151,4	137,7	126,1	134,1	129,2
Urtetik urtera %Δ	–1,1	–6,2	–5,3	2,5	–1,7

Azken urteotan orrialdeen neurketa ere egin ohi dugu, sinetsirik baikaude titulu kopuruak ez direla adierazle bakarrak; izan ere, orrialde kopuruak ere ematen du ekoizpenaren tamainaren berri. Argitu behar da, badaezpada, tituluen azterketak liburu analogikoak zein digitalak hartzen dituela aintzat; eta orrialde kopuruenak, aldiz, ulertzekoa denez, analogikoak bakarrik. Alde batetik, nahiz eta 37 titulu analogiko gehiago argitaratu, orrialdeetan gora egin ordez behera egin da, 4.300 orrialde galduz. Ondorioz, aurtengo liburuak finagoak izan dira: orrialde kopuruaren batezbestekoa 134,1etik 129,2ra jaitsi da, 2018ko beheranzko joerari jarraipena emanez.

Bestetik, liburuak gaika sailkatuz, orrialde kopuruaren igoera nabarmenena helduen literaturan gauzatu da, proportzio handian: 39.219 orrialde iaz eta 46.314 orrialde aurten (126,1 orrialdetik 156,5era liburuko). Beste hiru arlo nagusietan (hezkuntza eta irakaskuntza, haur eta gazteentzako eta giza eta gizarte zientzietako liburuak), liburuko orrialde kopuruak beherakada izan du; hezkuntza eta irakaskuntzakoetan bereziki, batezbestekoa 92,4 orrialdetik 70,7ra jaitsi baita.

Ekoizle ugari

Lehen atal honetan hainbat ezaugarri gurutzatuko ditugu: eragile argitaratzaileen izaera, noski, baina baita horien jarduna eta jatorria ere.

Tituluak	Argitaratzaileak
1	153
2-4	67
5-9	27
10-19	9
20-29	7
30-39	5
40-49	1
50-59	3
60-69	2
80-89	1
100-150	2
150etik gora	4
Guztira	281

Guztira, 281 dira 2020an libururen bat plazaratu dutenak. Aurreko urtean baino bederatzi argitaratzaile gutxiago egon da aurten; gorabehera handirik ez, beraz.

Sarritan azpimarratu izan dugu 281 horiek ez direla argitaletxeak, edizioaren profesionalak. Ezta hurrik eman ere. Okasiozko asko eta asko dago, eta noizbehinkariak ez direnak ere, gehien-gehienak, ahulegiak dira liburu politika bat markatzeko.

281 horietatik erdia eta gehiago dira (%54,4) titulu bakarra argitaratu dutenak. Hamar titulutik behera publikatu dutenak ez dira bat edo bi, ez horixe: 247 dira (%87,9). Areago: %78,3 dira lau titulu edo gutxiago ekoitzi dituztenak. Horiek guztiak argitaratzaileak dira, ez argitaletxeak.

Aurreko urteetan azpimarratzen genuen bezala, urteko 20 tituluko neurriak ezar dezake editoreen arteko ekoizpenaren langa garrantzitsua. 2020an, bada, editoreen %8,9k bakarrik ekoitzi dute 20 titulutik gora, 25 editorek. Beste guztiek –256 argitaratzaile, %91,1– 20 titulu baino gutxiago atera dute. Urtero azpimarratu izan dugu ekoizleen atomizazioa dela euskal produkzioaren ahulezietako bat.

Ekoizleen panorama hori ezagututa, tipologiaren araberako bereizketa aztertzen dugu. Ez baita berdin, ez produkzio mailan, ez liburuek jorratzen dituzten gaiei dagokienez, argitaletxe komertzial peto-petoa izan, edo izan unibertsitate, udal edo kirol elkarte, adibidez.

Argitaletxe nagusien ekoizpena: 1.433 titulu

Argitaletxea	Nobedadeak	Berrargitalpenak	Titulu kopurua	%
Santillana-Zubia	304	0	304	11,9
Elkar	76	202	278	10,8
Edelvives-Ibaizabal	210	8	218	8,5
Anaya-Haritza	90	72	162	6,3
Erein	53	53	106	4,1
Ikaselkar	41	63	104	4,1
Edebé-Giltza	37	46	83	3,2
Ikaselkar; Ikastolen Elkartea	0	69	69	2,7
Ttarttalo	41	16	57	2,2
Ikasmina	46	6	52	2,0
Guztira	898	535	1.433	55,8

Hamar argitaletxe, handienak eta komertzialak, daude zerrenda honetan. Bada hemen agertzen direnak baino gehiago ekoitzi duenik – Euskal Herriko Unibertsitateko Argitalpen Zerbitzua, 55 titulurekin, hamargarren legoke zerrendan–, baina komertzial eta pribatua ez denez, ez dugu aintzat hartu.

Hamar handienen indarra igo egin da, bai kopuru absolutuan (1.433 titulu), bai ekoizpen osoarekiko ehunekoan (%55,8, 2019an baino bi puntu gehiago), duela bospasei urteko balioetara itzuliz.

Hamar gorenak izanda ere, lau ez dira ehun titulura iristen, eta bi ozta-ozta. Bestela esanda, indartsuenak ere ez dira horren handi.

Gure kasuan, beti erreparatzen diogu argitaletxeen jatorri geografikoari. 2020an, aurreko urtean bezala, bosna dira bertako eta kanpoko. Hori bai, bertakoak baino indartsuagoak dira kanpokoak hamar horien ekoizpenaren barruan: %57,2 vs %42,8. Ekoizpen orokorrarekiko, aldiz, zortzi puntuko aldea ateratzen diete kanpoko bost nagusi horiek bertako bost nagusiei: %31,9 vs %23,9. Azken urteotako datuei begiratuz, argi ikus daiteke kanpoko argitaletxeen itzala haziz doala.

2020an ere, bertako eta kanpoko argitaletxeen artean alderik handiena berrargitalpen politikan dago: bertakoek %75,3ko indarra dute berrargitalpenaren baitan, eta kanpokoek, orotara titulu gehiago ekoitzi arren, %24,7koa bakarrik. Datuak egiazkoak balira, hortaz (Santillana-Zubiak 0 berrargitalpen?, Edelvives-Ibaizabalek 8?) guztiz esanguratsua litzateke diferentzia hori. Izan ere, berrargitalpenak egonkortasuna ematen dio produkzioari, gure ustez.

Argitaratzaileen tipologia

Argitaratzaile mota	Ekoizleak	Ekoizpena	%
Bertako argitaldari pribatu komertziala	66	988	38,5
Kanpoko argitaldaria	73	1.120	43,5
Irakaskuntza + unibertsitatea	12	149	5,8
Elkartea, taldea, fundazioa, erlijio-etxea…	72	126	4,9
Argitaldari publikoa	38	120	4,7
Besterik	20	66	2,6
Guztira	281	2.569	100,0

Argitaratzaileen unibertsoa heterogeneoa da. Bertan daude bertakoak eta kanpokoak; argitaratzaile komertzialak eta ez-komertzialak; pribatuak zein publikoak; handiak eta txikiak; irakaskuntzakoak; talde, elkarte, fundazioak. Gure azterketan, horiek denak bost multzoko tipologian ordenatu ohi ditugu.

Bertako argitaletxe pribatu komertziala

Lau ezaugarri nagusi ditu: erabakigunea Euskal Herrian daukate, profesionalak dira maila batean edo bestean, pribatuak dira, enpresa bokazioa dute. Eta bereizgarriena: horien guztien berezko xedea liburu argitalpena da.

Ekoizleen %23,5 dira, eta ekoizpen osoaren %38,5 zor zaie. Ekoizle/ekoizpen ratiorik hoberena dute.

Ondokoak izan dira gehien ekoitzi dutenak: Elkar (278), Erein (106), Ikaselkar (104), Ikaselkar eta Ikastolen Elkartea (69) eta Ttarttalo (57).

Kanpoko argitaletxeak

Ekoizle/ekoizpen ratioan paretsu dago kanpokoen multzoa. 2019tik gora egin du multzo honen ekoizpen osoak, %38tik %45,5era. Ekoizleen %26 dira kanpokoak.

Nobedadeak lantzen dituzte batez ere, eta ia ez dute berrargitalpenik ekoizten. Hori baino okerragoa da desoreka tematikoa: beren ekoizpen ia osoa haur eta gazteentzako material didaktikoei eskaintzen diete.

Aurtengo emankorrenak Santillana-Zubia (304), Edelvives-Ibaizabal (218), Anaya-Haritza (162), Edebé-Giltza (83) eta Ikasmina (52) izan dira.

Argitaratzaile publikoa

Erakunde publiko handi zein txikiek osatzen dute multzo hau, Eusko Jaurlaritzatik udaletara.

Iaz baino 34 titulu gutxiago atera dituzte. Ekoizleen %13,5 dira publikoak, eta ekoizpenaren %4,7 hartu dute 2020an.

Elkarte, fundazio eta parekoak

Multzo handia da honakoa, bertan sartzen baitira elkarteak, fundazioak, taldeak…

Iazko antzeko kopuruetan dabil aurten ere sail honetakoen ekoizpena, baina pittin bat jaitsita: ekoizleak %25,6 dira, eta ekoizpena %4,9. Jarduera atomizatuaren eredu nagusia dugu hemen, horrenbestez, ekoizle guztien laurdenak liburuen hogeirena bakarrik ekoitzi baitu.

Irakaskuntzakoak

Multzo honetako hamabi ekoizleek (%4,3) ekoizpen osoaren %5,8 sortu dute.

Ekoizle unibertsitarioa

Ekoizpen unibertsitarioaren sail honetan, guztira 125 titulu (ekoizpen osoaren %4,9) argitaratu dituzte hainbat ekoizlek: lehenik, Euskal Herriko Unibertsitateko Argitalpen Zerbitzuak 55 titulu ekoitzi ditu (%44); bigarren ekoizle nagusia Udako Euskal Unibertsitatea izan da, 54 titulurekin (%43,2); eta, gainera, bien artean koedizioan argitaratutako bost liburu erantsi behar dizkiegu kopuru horiei. Gainerako unibertsitate ekoizle guztien artean hamaika titulu bakarrik sortu dituzte.

Hona hemen gaien hurrenkera:

Giza/Gizarte	63,0
Zientzia/Teknika	20,9
Hezkuntza/Irakaskuntza	8,9
Helduen literatura	5,6
Aisia	0,8
Orotarikoak	0,8

Gaien hurrenkera 2019koarekin alderatuz, azpimarra dezagun giza eta gizarte zientzietako liburua asko hazi dela (%43,9tik %63ra), eta helduen literatura, aldiz, herenera murriztu dela (%16,8tik %5,6ra).

Bertakoak eta kanpokoak testuliburuen merkatuan

Testuliburuen merkatua aztertzeko ere, hamar ekoizle handienen unibertsoan jarraitzen dugu.

Bertako eta kanpoko editorialen bereizketa geografikoak berebiziko garrantzia du ekosistema industrial eta kulturalean, ekoizpenaren erabakigunea nork duen eta non dagoen adierazten baitu, bereziki hezkuntza curriculumari lotutako arloan. Izan ere, hezkuntza edo irakaskuntzako liburu produkzio handiena ez dago euskal editorialen esku, baizik eta Espainiako Estatuko argitaletxeetan.

Batzuek eta besteek ekoizpenean duten gradua ez da urtero bera izaten, baina kanpokoen esku hartzearen emaitza urtero da handia, ikasmaterialetan ekoizpenaren erditik gorakoa. Hona azken urteotako emaitzak hamar argitaletxe nagusien artean:

	Ekoizle nagusien pisua irakaskuntzan
Urtea	Bertokoak	Kanpokoak	Gainerakoak
2016	22,7	74,3	3,0
2017	32,3	61,7	6,0
2018	30,0	64,8	5,2
2019	23,5	72,0	4,5
2020	21,2	75,5	3,3

Garrantziaren handia kontuan hartuta, hiru taula baliatuz azalduko dugu jarraian bi ekoizle mota horiek, alegia, kanpoko argitaletxeek edo bertako argitaletxeek, argitalgintzan duten portaera. Bereziki curriculuma arakaturik ere, adierazgarria eta esanguratsua da gainerako gai eremuetan duten ekarpena ere aztertzea. Horrenbestez, taula bakoitzean gai eremu guztiak daude zerrendatuta.

Taula bakoitzak bost zutabe dauzka: lehenean gaia agertzen da, eta hurrengo hiruretan ekoizleak: bertako, kanpoko eta gainerakoak. Bertako eta kanpoko diogunean, argitaletxe profesional-komertzial-pribatuez ari gara soilik, aurreko atalean aipatu ditugun bestelako ekoizleak (publikoak, elkarteak, irakaskuntza alorrekoak…) aintzat hartu gabe.

Lehen taulan, zifra absolutuak agertzen dira, eta horiei esker ikus daiteke zein den edizio mota bakoitzaren pisu kuantitatiboa.

	Balio absolutuak
Gaia/Ekoizlea	Bertokoak	Kanpokoak	Gainerakoak	Guztira
Ekoizpen osoa	988	1.120	461	2.569
HI	235	838	37	1.110
HG	394	216	34	644
GG	61	19	250	330
HL	242	13	41	296
AL	46	15	37	98
ZT	7	18	45	70
Besterik	3	1	17	21

Ekoizpen osoaren baitan, oro har, Euskal Herrian argitaratzen diren liburuak dira nagusi, bai bertako editore komertzialek argitara ematen dutena (988 titulu) eta bai elkarte, talde, fundazio, argitaldari publiko eta enparauek argitaratzen dutena (461 titulu); 1.449 titulu dira guztira (ekoizpen osoaren %56,4).

Gai eremuak banaka begiratuz ere, bertakoen zifrak altuagoak dira sailez sail kanpokoenak baino, salbuespen nabarmen batekin: hezkuntza eta irakaskuntza liburuan oso goitik daude kanpokoak, 838 vs 235. Iaz desoreka ia bikoiztu egin bazen, 2020an are gehiago hazi da oraindik; urtetik urtera, kanpokoen nagusitasuna gero eta nabarmenagoa da liburu mota horretan.

Bigarren taulak alderaketaren ikuspegia proposatzen du. Ezker-eskuin, etzanean irakurri behar da taula, gai eremu bakoitzean kanpokoen eta barnekoen indarra zein den neurtzeko.

Ekoizpen osoa aintzat hartuz, bertako eta kanpoko argitaletxeak antzeratsu dabiltza (%38,5 vs %43,6). Hezkuntza eta irakaskuntza liburuaren lerro horizontalean, aldiz, alde handiz dira nagusi kanpokoak, bertakoekiko 54 puntuko alde nabarmenarekin. Alde horren neurria argiago atzematearren, aintzat har dezagun duela bi urte 30 puntukoa zela bien arteko tartea.

	% horizontalak
Gaia/Ekoizlea	Bertokoak	Kanpokoak	Gainerakoak	Guztira
Ekoizpen osoa	38,5	43,6	17,9	2.569
HI	21,2	75,5	3,3	1.110
HG	61,2	33,5	5,3	644
GG	18,5	5,8	75,7	330
HL	81,8	4,4	13,8	296
AL	46,9	15,3	37,8	98
ZT	10,0	25,7	64,3	70
Besterik	14,3	4,8	80,9	21

Bien arteko konparaketa horretan, argi ikusten da aurten ere kanpokoek ekoizpen sinbolikoa dutela bestelako gaietan: ia esku hartzerik ez dutela helduen literaturaren eta giza eta gizarte zientzietako liburuen alorretan. Hau da, kanpoko editorialak haur eta gazteen eta eskola liburuen merkatura mugatzen dira, besterik gabe.

Hirugarren taula, azkenik, zutikakoa edo bertikala da, zutabe bakoitza goitik behera irakurtzekoa. Editorial mota bakoitzaren baitan ekoizpena non mamitzen den adierazteko balio du, edizio mota bakoitzaren indargune eta ahulguneak non dauden erakutsiz.

	% bertikalak
Gaia/Ekoizlea	Bertakoak	Kanpokoak
Ekoizpen osoa	100,0	100,0
HI	23,8	74,8
HG	39,8	19,3
GG	6,2	1,7
HL	24,5	1,2
AL	4,7	1,3
ZT	0,7	1,6
Besterik	0,3	0,1

Irakurketa bertikala benetan esanguratsua da editorialen filosofia aurkezteko: argitaldari espainiarren ekoizpena haur eta gazteentzako eta hezkuntza liburuetan zentratzen da kuantitatiboki (%94,1); eta, bereziki, hezkuntzakoan (%74,8). Beste esparruetan ez dute ia ezer ekoizten.

Aurreko lau taulen irakurketa bateratuak begien bistan uzten du arazoaren mamia: alde batetik, kanpoko argitaletxeek hezkuntzaren muinari heltzen diote, euskal curriculumari; helburu nagusi eta bakarra horixe dute, Euskal Herriko eskoletan kanpoan sorturiko curriculum egokitua sartzea. Beste aldetik, euskarazko hezkuntza proiektu gehienak Euskal Herritik kanpo diseinaturikoak dira, beste eta bestelako curriculum proiektuen arabera landuak. Jatorri horren markak nonahi agertzen dira: geografian, historian, oraingo zatiketa administratibo-politikoan, ikuspegi euskaltzalean… 2020an ez gaude zentzu horretan aurreko urteetan baino hobeto, inola ere.

Argitalpen digitala

• 2015: 711 titulu
• 2016: 479
• 2017: 507
• 2018: 289
• 2019: 480
• 2020: 705

Argitalpen digitala ekoizpen osoaren %27,4ra igo da 2020an: 2019an baino 225 titulu gehiago. 2015eko gailurra ukitu du berriro.

Ekoizpen osoan analogikoa erabat nagusi den arren (%72,6), sei puntu egin du behera aurreko urtetik: igoera orokorraren barruan, 2019an baino 37 titulu gehiago soilik.

Gaia	Analogikoa (%)	Digitala (%)	Guztira
Hezkuntza/Irakaskuntza	53,7	46,3	1.110
Haur/Gazte	97,7	2,3	644
Giza/Gizarte	76,1	23,9	330
Helduen literatura	84,1	15,9	296
Aisia	84,7	15,3	98
Zientzia/Teknika	55,7	44,3	70

Liburu digitalaren batezbestekoa (%27,4) bi liburu mota hauek gainditu dute: hezkuntza eta irakaskuntzako liburuek (ia erdia, %46,3) eta zientzia eta teknikakoek (%44,3). Gainerako guztiak batezbestekoaren azpitik (giza eta gizarte zientzietako liburuak %23,9, helduen literaturak %15,9, aisia liburuak %15,3) edo oso azpitik daude (haur eta gazteentzako liburuak %2,3).

Hurrengo taulak liburu analogikoa eta digitala beren baitan nola banatzen diren erakusten du.

Gaia	Analogikoa (%)	Digitala (%)
Hezkuntza/Irakaskuntza	32,0	72,9
Haur/Gazte	33,7	2,1
Giza/Gizarte	13,5	11,2
Helduen literatura	13,4	6,7
Aisia	4,5	2,1
Zientzia/Teknika	2,1	4,4

Analogikoak, jakina, ekoizpenaren gehiengoa izanik, hobeto islatzen du liburugintza osoaren egitura.

Liburugintza digitalak egitura desorekatua du: aurten, gainera, hezkuntza eta irakaskuntzako liburuak gorakada izugarria izan du, digital guztien ia hiru laurdenak hartzeraino (%72,9). Gainerako liburu motak oso atzean geratu dira.

Eskaintza editoriala

Azterketaren bigarren atalean, argitaratzaileen emaitza material eta kuantitatiboez jardungo dugu. Hainbat ezaugarri arakatuko ditugu jarraian: titulu kopurua, liburuen egiletza kronologikoa eta linguistikoa. Eta hori guztia ez soilik aurtengo datuekin, 2000tik gaur arteko bilakaerari ere begiratuz baizik. Izan ere, eskaintzaren azterketari buruzko gure ekarpen nagusia, beharbada, emaitza bakoitza bere testuinguru kronologikoan ematea da; gure ustez, urteko informazio soilak ez du, isolaturik, interpretaziorako biderik irekitzen.

2020ko eskaintza editorialaren datu nagusien laburpen txiki batekin hasiko gara. Aurtengo titulu kopurua igo egin da: 2.569 titulu izan dira aurten, horietako %72,6 bertsio analogikoan atereak eta %27,4 digitalean. 1.889 titulu nobedade edo lehen edizio dira (%73,5), aurreko urtean baino 156 gehiago. Berrargitalpenen kopurua ere hazi da: 680 titulu (%26,5), 2019an baino 106 gehiago. Nobedadeen barruan, euskaraz sorturikoak 1.278 izan dira (%69,9); itzulpenak, hortaz, 611 titulu (%30,1).

2.569 titulu

2000tik honako ibilbidean, 2020ko ekoizpena orain arteko bi puntu gorenak ziren 2008ko eta 2015eko gailurrei –2.702 eta 2.639 titulurekin, hurrenez hurren– gehitu zaie. Horrenbestez, azken bi hamarkadetako batezbestekotik dezente gora igo da aurtengo emaitza, 2019an baino 262 titulu gehiagorekin.

Urtea / Liburu mota	Analogikoa	Digitala	Guztira
2008	2.586	116	2.702
2009	2.196	236	2.432
2010	2.016	257	2.273
2011	2.161	244	2.405
2012	2.062	178	2.240
2013	1.691	184	1.875
2014	1.719	526	2.245
2015	1.928	711	2.639
2016	1.778	479	2.257
2017	1.834	507	2.341
2018	1.897	289	2.186
2019	1.827	480	2.307
2020	1.864	705	2.569

Aurreko laukian, aldiz, ekoizpen hori bitan banatua dator, analogikoa eta digitala, biak elkarren arteko alderaketan. Ikus daitekeenez, ekoizpen digitalak hartu du urteko igoeraren zatirik handiena, 225 tituluz emendatu baitu aurreko urtekoa. Paperezkoak ere gora egin duen arren, 37 titulu bakarrik hazi da.

Bai zifra nagusi horietan, bai gero aztertuko ditugun barne ataletan, eboluzioaren ikuspegia beti dago presente, bi modutan garatua: eboluzioaren lerroa eta eboluzioaren indizea. Eboluzioaren lerroa 2000ko erreferentziatik abiatzen da, liburugintzaren jokamoldea urte horrekiko konparatuz. Eboluzioaren indizean, aldiz, erreferentzia puntua laburra da, aurreko urtea, alegia: urte arteko gorabeherak erakusten ditu, ekoizpenak aurreko urtearekiko gora edo behera egin duen.

Tituluen eboluzioa

Tituluen eboluzio honetan liburu mota guztiak agertzen dira: nobedadeak, berrargitalpenak, euskaraz sorturikoak, itzulpenak. Eta bi erreferentzia punturen arabera aztertuko dugu: bata, 2000. urtea; bestea, aurreko urtea, 2019. Beraz, ikuspegi luzea eta laburra, biak dira errealitatearen ispilu.

Eboluzioaren lerroak erakusten duenez, 2000. urtean baino 48 puntu altuago dago 2020ko titulu kopurua. Eboluzioaren indizeak, aldiz, aurreko urtearekiko igoera markatzen du: 11,4 puntu.

Nobedadeak eta berrargitalpenak

Urtea	Nobedadea	Berrargitalpena
2000	65,7	34,3
2001	71,8	28,2
2002	70,9	29,1
2003	71,2	28,8
2004	73,9	26,1
2005	71,3	28,7
2006	68,0	32,0
2007	69,7	30,3
2008	69,6	30,4
2009	69,7	30,3
2010	70,9	29,1
2011	71,9	28,1
2012	68,3	31,7
2013	67,9	32,1
2014	74,0	26,0
2015	80,9	19,1
2016	75,0	25,0
2017	74,5	25,5
2018	71,2	28,8
2019	75,1	24,9
2020	73,5	26,5
Batez beste	71,7	28,3

Gurean, liburugintza, haztekotan, nobedadeei esker hazten da. Horixe da gure joera, urtez urte, hamarkadaz hamarkada. 2020 ere, lehen edizioak ekoizpenaren lautik hiru inguru hartu du: zehazki, %73,5.

Berrargitalpena lautik bat hartzera baizik ez da iritsi, %26,5. Leku apala hartzen du edizioan. Seinale ona litzateke haziko balitz, liburugintza merkatu berrietara hedatzen dela esan nahiko bailuke. Beti pentsatu izan dugu berrargitalpenak indar handiagoa beharko lukeela; izan ere, berrargitalpenaren ahulezia euskal liburugintzaren izaera diglosikoaren sintoma bat gehiago da, gure ustez.

Nobedadeak

Nobedadeen eboluzio-lerroa

2000. urtea erreferentziatzat hartuta, aurtengo nobedadeen produkzio maila 66 puntu gorago dago: aurreko lau urteetan baino gorago, eta 2015eko gailurretik behera. Azken hamarkadan bi urtek markatu dute diferentzia: negatiboa batek (2013, 12 puntu bakarrik gora), positiboa besteak (2015, 87 puntu gora).

Nobedadeen eboluzioaren indizea

2019an nobedadeek kopuru absolutuan izandako igoerari eutsi zaio 2020an: %9 igo da nobedadeen kopurua. Hala ere, 2019tik 2020ra tituluen igoera orokorra %11koa izan dela aintzat hartzen badugu, nobedadeen igoera ez da bereziki azpimarragarria.

Nobedadeen jatorrizko eta itzulitako liburuak

Urtea	Jatorrizkoa	Itzulpena
2000	73,7	26,3
2001	73,1	26,9
2002	66,6	33,4
2003	67,1	32,9
2004	71,6	28,4
2005	70,8	29,2
2006	67,5	32,5
2007	65,4	34,6
2008	61,4	38,6
2009	70,5	29,5
2010	66,4	33,6
2011	68,5	31,5
2012	65,4	34,6
2013	61,7	38,3
2014	68,8	31,2
2015	68,5	31,5
2016	63,6	36,4
2017	64,5	35,5
2018	61,1	38,9
2019	66,8	33,2
2020	69,9	30,1
Batez beste	67,3	32,7

Aurtengo jatorrizko liburuaren neurria %70era itzuli da, azken hogei urteetako batezbestekotik gora, alegia. 2019ko igoera nabarmenaren ondoren, aurten ere berriro igoerari eutsi zaio, beraz, 2016 eta 2018 bitartean itzulpena herenetik gora ibili ondoren. Itzulpenaren goranzko joera horrek atzera egin du, horrenbestez. Hurrengo urteetako datuek erakutsiko digute joera horrek jarraipenik duen.

Jatorrizkoa

Jatorrizko liburuaren eboluzio-lerroa

Lerro hautsia da guztiz jatorrizko liburuaren eboluzioarena, oraintxe gora, oraintxe behera. 2018ko beheraldi nabarmenaren ondoren, 2019an eta 2020an aurten berriro ere indarra berreskuratu du, aurten 2000ko erreferentziatik 52,5 puntu gora. Mende honetako bigarren gailurrean gaude, 2015ekoaren ondotik.

Jatorrizko liburuaren eboluzioaren indizea

2019ko igoerari segida eman zaio 2020an, 14,3 punturekin. Bi urte segidan gora, bada zerbait.

Itzulitakoa

Itzulitako liburuaren eboluzio-lerroa

2020an nobedadeen kopuru orokorra %9 hazi den arren, jatorrizkoaren igoerak jan du hazkuntza hori osorik; horrenbestez, itzulitako liburua aurreko urteko kopuru absolutu bertsutan geratu da. Mende hasierako kopurua bikoiztetik gora dabil, hala eta guztiz ere.

Itzulitako liburuaren eboluzioaren indizea

2019tik %0,7 soilik jaitsi da. Baina, jakina, ekoizpen orokorrak gora egin duenean, berdin mantentzeak jaitsi egin dela esan nahiko luke.

Berrargitalpenak

Berrargitalpenaren eboluzio-lerroa

Nobedadeen ifrentzua dira berrargitalpenak. Baina, 2020an, ekoizpen orokorraren igoera baliatuz, bi liburu motek egin dute gora: berrargitalpenak 109 titulu hazi dira, proportzioan nobedadeak baino gehixeago. 2000ko baliotik 14 puntu gora ibili da 2020an.

Berrargitalpenaren garrantziaren aldarria urterokoa da: euskal liburuaren eta euskal literaturaren arrakasta ez da neurtu behar titulu berrien gehitze soilaren arabera, berrargitalpenak ireki ditzakeen merkatu eta irakurle multzo berriak aintzat hartu gabe.

Berrargitalpenaren eboluzioaren indizea

Hamarkada osoko igoera esanguratsuena izan du aurten berrargitalpenak, 18,5 gora eginez. Goranzko joerari amaiera eman zion iazko jaitsierari galga jarri dio, bide batez.

Berrargitalpenaren mailaketa

Gogora dezagun lehen argitaraldiak 1.889 titulu bildu dituela (%73,5), eta ikusi berria dugu berrargitalpena %26,5 izan dela, 680 titulu. Mailaketa honek errealitate interesgarri bat jartzen digu begien aurrean, hots, argitaraldi maila bakoitzean 680 titulu horiek nola banatzen diren. Berrargitalpen gehienak, jakina, lehenengotik bigarrenera izaten dira, 161 titulu, baina zorionez badira hamar argitaraldi edo gehiago izan dituzten liburuak ere, 122; iazko antzeko kopurua, bidez batez: bi titulu gehiago soilik. Aurtengo gailurra 50. edizio mailara iritsi da.

Hamar argitaraldi eta gehiago

10. edizioa

Fisika eta Kimika 3. DBH	Edebé Taldea
Hizkuntza eta Literatura 1. Batxilergoa	Etxaburu, Josu eta beste
Ikusmen jokoak 1	Blanch, Xavier eta beste
Irakurketa eta idazketa koadernoa 3	Imaz, Lurdes
Justizia nire esku	Zubeldia, Maialen
Korapiloak	Urretabizkaia, Arantxa
Koloretako munstroa	Osoro, Jasone
Kultura Klasikoa 4. DBH. 2. zikloa	Bilbao, Gidor eta beste
Kutun kutuna. Irakurketa-jokoak	Ortiz, José Luis
Miñan	Arzallus, Amets eta beste
Musika 2. Lehen Hezkuntza. Koadernoa	Edebé Taldea
Nire arreba Aixa	Torras, Meri
Nola dastatu ilargia?	Grejniec, Michael
Oinarrizko hiztegia. Euskara-gaztelania / Castellano-euskara	Sarasola, Ibon eta beste
Oporretako koadernoa 1 (LH). Erantzunekin	Imaz, Lourdes eta beste
Oporretako koadernoa 2 (LH). Erantzunekin	Imaz, Lourdes eta beste
Oporretako koadernoa 3 (LH). Erantzunekin	Amiano, Agustin eta beste

11. edizioa

Fisika 2. Batxilergoa	Armero, Juan eta beste
Fisika eta Kimika 1. Batxilergoa	Edebé Taldea
Garmendia eta zaldun beltza	Uribe, Kirmen
Irakurketa eta idazketa koadernoa 7	Imaz, Lurdes
Koloretako munstroa	Llenas, Anna
Lehoiaren hortzak	Company, Mercè
Manila konexioa	Arretxe, Jon
Matematika 3. Koadernoa 1. Lehen Hezkuntza (Navarra, País Vasco)	Ferrero, Luis
Miñan	Arzallus, Amets eta beste
Musika 3. Lehen Hezkuntza. Koadernoa	Coma, Meritxell

12. edizioa

Ainhoari gutunak	Sarrionandia, Joseba
Bostak ihesi	Blyton, Enid
Inesaren balada	Etxeberria, Hasier
Irakurketa eta idazketa koadernoa 2	Imaz, Lurdes
Irakurketa eta idazketa koadernoa 5	Imaz, Lurdes
Irakurketa eta idazketa koadernoa 6	Imaz, Lurdes
Irakurketa eta idazketa koadernoa 7	Imaz, Lurdes
Matematika 3. Koadernoa 2. Lehen Hezkuntza (Navarra, País Vasco)	Ferrero, Luis
Nur eta irlandar gnomoa	Martinez de Lezea, Toti
Pippi Kaltzaluze	Lindgren, Astrid
Riomundo	Maia, Jon
Zu bezain ahul	Jaio, Karmele

13. edizioa

Euskara 6 – Lan-koadernoa 11 (Txanela). Lehen Hezkuntza	Barrena, Saionara eta beste
Euskara 6 – Lan-koadernoa 12 (Txanela). Lehen Hezkuntza	Barrena, Saionara eta beste
Gerra da leku honen izena	Sierra i Fabra, Jordi
Irakurketa eta idazketa koadernoa 1	Imaz, Lurdes
Kimika II. Batxilergoa	Edebé Taldea
Miru eta Mara	Zubeldia, Iñaki eta beste
Musika 6 – Lan-koadernoa 6 (Txanela). Lehen Hezkuntza	Aizarna, Kontxi eta beste

14. edizioa

Irakurketa eta idazketa koadernoa 1	Imaz, Lurdes
Leturiaren egunkari ezkutua	Txillardegi
Musika 5 – Lan-koadernoa 5 (Txanela). Lehen Hezkuntza	Aizarna, Kontxi eta beste

15. edizioa

Behin batean – Irakurketa 1 (LH)	Olabarri, Miren eta beste
Bostak berriro Kirrin uhartean	Blyton, Enid
Euskara 5 – Lan-koadernoa 9 (Txanela). Lehen Hezkuntza	Barrena, Saionara eta beste
Ispiluen gainean lotan	Sierra i Fabra, Jordi
Kaixo! Manual de conversación castellano-euskara	Knörr, Garikoitz
Kale gorrian	Swindells, Robert
Matematika 5 – Lan-koadernoa 9 (Txanela). Lehen Hezkuntza	Goñi, Jesus Mari
Matematika 5 – Lan-koadernoa 10 (Txanela). Lehen Hezkuntza	Goñi, Jesus Mari
Matematika 6. Baga Biga (Txanela). Lehen Hezkuntza	Goñi, Jesus Mari
Musika 4 – Lan-koadernoa 4 (Txanela). Lehen Hezkuntza	Aizarna, Kontxi eta beste
Musika airean	Jaio, Karmele
Palestina, zure mina	Jaio, Karmele
Psikologia 1/2. Batxilergoa	Elhuyar

16. edizioa

Ezekiel nora ezean	Osoro, Jasone
Gerrateko ogia	Ellis, Deborah
Nora ez dakizun hori	Jimenez, Irati
Suminaren estrategia	Morillo, Fernando

17. edizioa

Ahaztuen mendekua	Ladron Arana, Alberto
Behin batean – Idazketa 1 (LH)	Olabarri, Miren eta beste
Euskara 4 – Lan-koadernoa 7 (Txanela). Lehen Hezkuntza	Askoren artean
Euskara 4 – Lan-koadernoa 8 (Txanela). Lehen Hezkuntza	Askoren artean
Ikaslearen liburua 3 (Material globalizatua) (Txanela). Lehen Hezkuntza (8 liburuxka)	Saenz, Maite eta beste
Ikaslearen liburua 4 (Material globalizatua) (Txanela). Lehen Hezkuntza (7 liburuxka)	Saenz, Maite eta beste
Jolas egiteko ipuinak	Rodari, Gianni
Matematika 4 – Lan-koadernoa 8 (Txanela). Lehen Hezkuntza	Goñi, Jesus Mari
Material globalizatua 2. Lehen Hezkuntza. Ikaslearen liburua (9 liburuxka)	Oiarbide, Josi eta beste
Musika 2 – Lan-koadernoa 2 (Txanela). Lehen Hezkuntza	Aizarna, Kontxi eta beste
Musika 3 – Lan-koadernoa 3 (Txanela). Lehen Hezkuntza	Aizarna, Kontxi eta beste
Ostiralak	Arretxe, Jon

18. edizioa

Aulki-jokoa	Alberdi, Uxue
Euskara 1 – Lan-koadernoa 1 (Txanela). Lehen Hezkuntza	Saenz, Maite eta beste
Euskara 1 – Lan-koadernoa 2 (Txanela). Lehen Hezkuntza	Saenz, Maite eta beste
Euskara 2 – Lan-koadernoa 3 (Txanela). Lehen Hezkuntza	Oiarbide, Josi eta beste
Euskara 3 – Lan-koadernoa 5 (Txanela). Lehen Hezkuntza	Barrena, Saionara eta beste
Euskara 3 – Lan-koadernoa 6 (Txanela). Lehen Hezkuntza	Barrena, Saionara eta beste
Jolas egiteko ipuinak	Rodari, Gianni
Matematika 3 – Lan-koadernoa 5 (Txanela). Lehen Hezkuntza	Goñi, Jesus Mari
Matematika 3. Baga Biga (Txanela). Lehen Hezkuntza	Goñi, Jesus Mari
Matematika 4 – Lan-koadernoa 7 (Txanela). Lehen Hezkuntza	Goñi, Jesus Mari
Matematika 4. Baga Biga (Txanela). Lehen Hezkuntza	Goñi, Jesus Mari

19. edizioa

Euskara 2 – Lan-koadernoa 4 (Txanela). Lehen Hezkuntza	Oiarbide, Josi eta beste
Euskara 3 – Lan-koadernoa 6 (Txanela). Lehen Hezkuntza	Barrena, Saionara eta beste
Ikaslearen liburua 1 (Material globalizatua) (Txanela). Lehen Hezkuntza (10 liburuxka)	Saenz, Maite eta beste
Matematika 1 – Lan-koadernoa 1 (Txanela). Lehen Hezkuntza	Goñi, Jesus Mari
Matematika 1 – Lan-koadernoa 2 (Txanela). Lehen Hezkuntza	Goñi, Jesus Mari
Matematika 1. Baga Biga (Txanela). Lehen Hezkuntza	Goñi, Jesus Mari
Matematika 2 – Lan-koadernoa 3 (Txanela). Lehen Hezkuntza	Goñi, Jesus Mari
Matematika 2 – Lan-koadernoa 4 (Txanela). Lehen Hezkuntza	Goñi, Jesus Mari
Matematika 2. Baga Biga (Txanela). Lehen Hezkuntza	Goñi, Jesus Mari
Matematika 3 – Lan-koadernoa 6 (Txanela). Lehen Hezkuntza	Goñi, Jesus Mari
Musika 1 – Lan-koadernoa 1 (Txanela). Lehen Hezkuntza	Xirula Mirula Elkartea

20. edizioa

Amodioaren gazi-gozoak	Arana, Aitor
Ezin da ipuinik asmatu ala?	Mendiguren Elizegi, Xabier

21. edizioa

Ipuin batean bezala

Irigoien, Joan Mari

23. edizioa

Urtebete itsasargian	Meabe, Miren Agur
Zigarrotxoa ahoz aho	Kazabon, Antton

24. edizioa

Narrazioak

Sarrionandia, Joseba

25. edizioa

Izurri berria	Garate, Gotzon
Nikolas Txiki	Goscinny, René

26. edizioa

Irakasle alu bat

Mendiguren Elizegi, Xabier

27. edizioa

Amaren eskuak	Jaio, Karmele
Ezekiel	Osoro, Jasone

28. edizioa

Amaren eskuak	Jaio, Karmele
Behi euskaldun baten memoriak	Atxaga, Bernardo
Ezekiel	Osoro, Jasone

29. edizioa

Arotzaren eskuak

Ladron Arana, Alberto

30. edizioa

Arotzaren eskuak	Ladron Arana, Alberto
SPrako tranbia	Elorriaga, Unai

31. edizioa

Eskubeltz taldearen abenturak

Press, Hans Jürgen

33. edizioa

Kittano

Ormazabal, Joxan

39. edizioa

Connemara gure bihotzetan

Gabiria, Julen

46. edizioa

110. Street-eko geltokia

Zabaleta, Iñaki

50. edizioa

Ostegunak

Arretxe, Jon

Urte bereko berrargitalpenak

1/2 edizioak

Amets Gaizto nire armairuan	Mayer, Mercer
Ata Pank eta Ate Punky [azal gogorra]	Atxaga, Bernardo
Dumitru biluzik	Izagirre, Koldo
Euli fiririren festa	X.X.
Euskal kantagintza berria (1961-1985)	Aristi, Pako
Iñurrategi anaiak. Mendiari bihotz emanak	Olasagasti, Ramon
Isadora Moon eskolara doa	Muncaster, Harriet
Jo Kako!… Jo!!! (+ CD)	Valencia, Josiane
Maddiren amona influencerra	Osoro, Jasone
Matematika irakaskuntza akademikoetara bideratuta 3. DBH	Colera, Jose eta beste
Mendi biluzia. Nanga Parbat mendian egindako neguko lehen igoaldia	Txikon, Alex
Metro mamua	Pavanello, Roberto
Oihaneko misioa	Stevenson, Steve
Pentsamenduaren historia Euskal Herrian	Azurmendi, Joxe
Sirena maitemindua	Pavanello, Robert
Uskararen eleak. Euskararen biziraupena erronkariarren eguneroko hizkeran / Las palabras del uskera. Pervivencia del euskera en el habla cotidiana del Valle del Roncal	Aznarez, Josune

1/2/3 edizioak

Ene baitan bizi da	Txoperena, Maddi Ane
Euskara 5. Koadernoa 1. Lehen Hezkuntza (Navarra, País Vasco)	Angoitia, Josune eta beste
Isadora Moon kanpaldira doa	Muncaster, Harriet
Kcappo. Tempo di tremolo	Aristi, Pako
Koralaren distira	Etxabe, Cristina

2/3 edizioak

Euskara 3. Koadernoa 1. Lehen Hezkuntza (Navarra, País Vasco)

Angoitia, Josune eta beste

3/4 edizioak

Eiderren egunerokoa	Osoro, Jasone
Euskolatinus hiztegia. Latina-euskara	Gomez, Ander eta beste
Maren	Agirre, Alaine

3/4/5/6/7/8 edizioak

Aitaren etxea

Jaio, Karmele

4/5 edizioak

Amek ez dute	Jaio, Karmele
Aurretik zamatzen duen orga altxatzaile kontrapisatua	Askoren artean
Etzi	Linazasoro, Karlos
Misterioa argitu arte	Igerabide, Juan Kruz
Txomintxo eta Perutxo bakarrik geratu dira etxean	Magdalena, Peru
Zurekin batera. Euskara 4. Lehen Hezkuntza (Navarra, País Vasco) (+ CD-ROM)	Piko, Biotza

4/5/6/7/8/9/10/11 edizioak

Miñan

Arzallus, Amets eta beste

5/6 edizioak

Euskara eta Literatura 2. DBH. Baliabide didaktikoak	Edebé Taldea
Iritsi gara!	Osoro, Jasone

6/7 edizioak

Euskara eta Literatura 4. DBH	Edebé Taldea
Matematika Gizarte Zientzietara aplikatuta I. 1. Batxilergoa (Navarra, País Vasco)	Colera, José eta beste

6/7/8 edizioak

Zurekin batera. Euskara 3. Lehen Hezkuntza (Navarra, País Vasco) (+ CD-ROM)

Piko, Biotza

7/8 edizioak

Euskara 2. Lehen Hezkuntza (Navarra, País Vasco)	Llenas, Anna
Euskara eta Literatura 1. DBH	Edebé Taldea
Euskara eta Literatura 2. DBH	Edebé Taldea
Euskara eta Literatura 3. DBH	Edebé Taldea

8/9 edizioak

33 ezkil

Gorrotxategi, Miren

11/12 edizioak

Irakurketa eta idazketa koadernoa 7

Imaz, Lurdes

13/14 edizioak

Irakurketa eta idazketa koadernoa 1

Imaz, Lurdes

17/18 edizioak

Jolas egiteko ipuinak

Rodari, Gianni

18/19 edizioak

Euskara 3 – Lan-koadernoa 6 (Txanela). Lehen Hezkuntza

Barrena, Saionara eta beste

27/28 edizioak

Amaren eskuak	Jaio, Karmele
Ezekiel	Osoro, Jasone

29/30 edizioak

Arotzaren eskuak

Ladron Arana, Alberto

Titulu errepikatuak

2 edizio

Amets Gaizto nire armairuan	1/2
Ata Pank eta Ate Punky [azal gogorra]	1/2
Dumitru biluzik	1/2
Euli fiririren festa	1/2
Euskal kantagintza berria (1961-1985)	1/2
Iñurrategi anaiak. Mendiari bihotz emanak	1/2
Isadora Moon eskolara doa	1/2
Jo Kako!… Jo!!! (+ CD)	1/2
Maddiren amona influencerra	1/2
Matematika irakaskuntza akademikoetara bideratuta 3. DBH	1/2
Mendi biluzia. Nanga Parbat mendian egindako neguko lehen igoaldia	1/2
Metro mamua	1/2
Oihaneko misioa	1/2
Pentsamenduaren historia Euskal Herrian. Eskolaren eta gogoetaren lana gizaldiz gizaldi	1/2
Sirena maitemindua	1/2
Uskararen eleak. Euskararen biziraupena erronkariarren eguneroko hizkeran / Las palabras del uskera. Pervivencia del euskera en el habla cotidiana del Valle del Roncal	1/2
Euskara 3. Koadernoa 1. Lehen Hezkuntza (Navarra, País Vasco)	2/3
Eiderren egunerokoa	3/4
Euskolatinus hiztegia. Latina-euskara	3/4
Maren	3/4
Amek ez dute	4/5
Aurretik zamatzen duen orga altxatzaile kontrapisatua	4/5
Etzi	4/5
Misterioa argitu arte	4/5
Txomintxo eta Perutxo bakarrik geratu dira etxean	4/5
Zurekin batera. Euskara 4. Lehen Hezkuntza (Navarra, País Vasco) (+ CD-ROM)	4/5
Euskara eta Literatura 2. DBH. Baliabide didaktikoak	5/6
Iritsi gara!	5/6
Euskara eta Literatura 4. DBH	6/7
Matematika Gizarte Zientzietara aplikatuta I. 1. Batxilergoa (Navarra, País Vasco)	6/7
Euskara 2. Lehen Hezkuntza (Navarra, País Vasco)	7/8
Euskara eta Literatura 1. DBH	7/8
Euskara eta Literatura 2. DBH	7/8
Euskara eta Literatura 3. DBH	7/8
33 ezkil	8/9
Irakurketa eta idazketa koadernoa 7	11/12
Irakurketa eta idazketa koadernoa 1	13/14
Jolas egiteko ipuinak	17/18
Euskara 3 – Lan-koadernoa 6 (Txanela). Lehen Hezkuntza	18/19
Amaren eskuak	27/28
Ezekiel	27/28
Arotzaren eskuak	29/30

3 edizio

Ene baitan bizi da	1/2/3
Euskara 5. Koadernoa 1. Lehen Hezkuntza (Navarra, País Vasco)	1/2/3
Isadora Moon kanpaldira doa	1/2/3
Kcappo. Tempo di tremolo	1/2/3
Koralaren distira	1/2/3
Zurekin batera. Euskara 3. Lehen Hezkuntza (Navarra, País Vasco) (+ CD-ROM)	6/7/8

6 edizio

Aitaren etxea

3/4/5/6/7/8

8 edizio

Miñan

4/5/6/7/8/9/10/11

Ekoizpen tematikoa

Argitaletxeen jardunaren emaitza aztertu ondoren, edizioaren muinari helduko diogu: ekoizpen tematikoari. Izan ere, bibliografoaren ikuspegitik harago, ekoizpenaren zenbatekoa bera baino gehiago interesatu izan zaigu beti ikuspuntu soziologikoa: euskaraz zer argitaratzen den, eta argitaratzen den hori non eta nola txertatzen den euskal kulturan.

Urteroko ekoizpena, beraz, zortzi gai sailetan sailkatu ohi dugu, nazioartean erabili ohi diren ereduen arabera. Eta sailkaturiko eremu bakoitzean ikuspegi ebolutiboa aplikatzen dugu, bost urteko erreferentzia bederen eduki dezagun.

Hona hemen zortzi gai sailak:

1.Hezkuntza eta irakaskuntzako liburuak.

2.Haur eta gazteentzako liburuak.

3.Giza eta gizarte zientzietako liburuak.

4.Helduen literatura.

5.Zientzia eta teknika alorreko liburuak.

6.Aisiako liburuak.

7.Orotarikoak.

8.Erlijio liburuak.

Zortzi arlo horietatik lehenengo seiak bakarrik aztertu ohi ditugu, urterik urte ekoizpen osoaren %99 biltzen baitute.

Aurtengo emaitzaren ezaugarri esanguratsuenak aipatzearren, esan dezagun arloen hurrenkera kanonikoari erantzun diola: hezkuntza eta irakaskuntza liburuak ia beti gorde ohi duen lehen lekuari eutsi dio ekoizpen orokorrean, igoera azpimarragarriarekin, gainera (1.110, %43,2), haur eta gazteentzako liburuaren aurretik (644, %25,1). Ikusten denez, aurtengoan ere nabarmena da haur eta gazteei zuzendutako liburuaren produkzioa (%68,3), kontuan hartu behar baita bai irakaskuntza eta bai haur eta gazteentzako liburua adin tarte berera zuzentzen dela.

Bi multzo horiek kenduta, gainerakoen itzala gehiegi arintzen da: hurrengoa giza eta gizarte zientzietako liburua da (330, %12,9), eta oso gertu helduen literatura (296, %11,5). Askoz atzerago datoz aisia liburua (98, %3,8) eta zientzia eta teknikari buruzkoa (70, %2,7).

Liburu sail horiek banan-banan arakatuko ditugu, baina, lehenik, ikuspegi globala emanez hasiko gara. Helburu hori dute hurrengo bi grafikoek eta laukiak; bakoitzak bere modura, errealitate bera erakusten digute: urteko ekoizpen osoa balio absolutuetan eta erlatiboetan. Laukian beste erreferente bat sartu ohi dugu, 2000. urtea, mende honetako lehen urtearekiko nola gauden, zerk egin duen gora eta zerk behera adierazteko asmotan.

Gai multzoa	Zenbaki absolutuak	%	2020/2000
Hezkuntza/Irakaskuntza	1.110	43,2	+81,4
Haur eta gazteentzako liburuak	644	25,1	+73,6
Giza/Gizarte zientziak	330	12,9	+14,2
Helduen literatura	296	11,5	+2,8
Aisia	98	3,8	–
Zientzia/Teknika	70	2,7	–28,6
Besterik	21	0,8	–

Ekoizpen tematiko sailkatura igaro aurretik, ohar bat: gai sail bakoitzean, informazioz betetako taula bat ageri da. Gaiari dagokion laburpen osoa biltzea du xede: azken bost urteotako eboluzioa kontzeptu guztietan, hala nola tituluetan, ekoizpen osoarekiko ehunekoan, urtetik urterako eboluzio alderatuan, itzulpenaren eta berrargitalpenaren urte bakoitzeko pisuan, urteko orrialde kopuru orokorrean eta liburu bakoitzeko orrialde kopuruan.

Hezkuntza eta irakaskuntza: 1.110 titulu

	2016	2017	2018	2019	2020
Hezkuntza/Irakaskuntza	840	786	667	847	1.110
Ekoizpenaren %	37,2	33,6	30,5	36,7	43,2
Urtetik urtera %Δ	–28,4	–6,4	–15,1	27,0	31,1
Itzulpenen % (1. edizioan)	27,2	26,7	34,0	21,0	24,7
Berrargitalpenen %	27,9	33,2	39,3	30,9	27,5
Orrialde kopurua	103.311	69.226	61.157	78.283	78.503
Orrialde kopurua liburuko	123,0	88,1	91,7	92,4	70,7

Liburu mota honek 2019an berreskuratutako lehen postuari eutsi dio, eta ez nolanahi gainera: titulu kopuruan izugarri hazi da, 1.110 aleraino (2019an baino 263 gehiago), eta ekoizpen osoaren %43,2 biltzera heldu da. Egin kontu 2018an %30ean geratu zela (aurten baino 443 titulu gutxiagorekin); datu horrek erakusten du azken bi urteotan izan duen gorakada. Hitz bakarrean esanda: urteko ekoizpen orokorrak izan duen gorakada (262 titulu gehiago) liburu mota honek jan du osorik.

Liburu analogikoaren eta digitalaren indarrak honela banatzen dira: 596 titulu analogiko (%53,7) –2019an baino 18 titulu gehiago– eta 514 digital (%46,3). Digitalak, ikus daitekeenez, indar handia du hezkuntza eta irakaskuntzako liburuan: urte bakarrean bikoiztu egin du titulu kopurua (269tik 514ra), eta ia analogikoaren neurrira iritsi da.

Itzulpenaren pisua zerbait berreskuratu da 2019tik, %21etik %24,7ra. Dena den, egia esan, ez zaigu datu guztiz fidagarria iruditzen, konbentziturik baikaude egiazko itzulpena askoz ere altuagoa dela testuliburuaren esparruan; izan ere, argitaletxe batzuetan ahalegin handia egiten da itzulia edo birmoldatua izan dena nobedadea balitz bezala agertzen.

Liburu mota honen berrargitalpen mailari dagokionez, %27,5ean geratu da; azken urteotan herenaren inguruan egonkortzen ari zela zirudien arren, ostera ere laurden aldera jaitsi da.

Irakaskuntzaren eboluzio-lerroa

Eboluzioaren lerroa 2015eko gailurretik gertu kokatzen da. Bikain antzematen zaio grafikoan azken bi urteotako gorakadari.

Irakaskuntzaren eboluzioaren indizea

Hamarkada honetan sei aldiz egin du gora hezkuntza eta irakaskuntza liburuak, eta lau aldiz behera.

Bigarren urtean jarraian halako igoera izateak zer esan nahi duen irakurtzen ez da erraza, hezkuntza eta irakaskuntzako liburuak joera sigi-sagatsua izaten baitu oro har. Ea 2021eko liburugintzan zer gertatzen den liburu mota honekin.

Barne sailkapena

Barne sailkapenean argi ikusten denez, LH eta DBH dira, beti bezala, sail hornituenak. Hurrengo taulan, bi horien balioak sei urteko perspektiban bildu ditugu.

Urtea	LH	DBH
2015	65,0	26,9
2016	28,6	53,7
2017	27,7	40,1
2018	43,9	28,8
2019	71,8	14,5
2020	51,6	30,7

Taulan ikus daitekeenez, galga jarri zaio LHko liburuak iaz izandako gorakadari, eta DBHko liburua aurreko urteetako ehunekoetara hurbildu da berriro. Beti diogun bezala, esparru honetan eskola materialen egutegi propioa eta politika editorialak gurutzatzen direnez, ez dugu uste irakurlegoaren profilaren edo hezkuntza politikaren alorreko azalpenak bilatu behar direnik.

Haur eta gazteentzako argitalpenak: 644 titulu

	2016	2017	2018	2019	2020
Haur/Gazte	608	699	732	613	644
Ekoizpenaren %	26,9	29,9	33,5	26,6	25,1
Urtetik urtera %Δ	–7,5	15,0	4,7	–16,3	5,1
Itzulpenen % (1. edizioan)	68,5	73,3	69,5	65,6	60,8
Berrargitalpenen %	37,3	32,5	35,5	35,1	40,1
Orrialde kopurua	38.048	52.577	48.675	44.968	43.693
Orrialde kopurua liburuko	62,6	75,2	66,5	73,4	67,8

Haur eta gazteentzako liburua dator bigarren lekuan, ohikoa den bezala. Duela bi urteko gailurraren ondoren, 2019ko antzeko zenbakietan geratu da, bai kopuru absolutuan, bai ehunekoan: 2019an baino 31 titulu gehiago, baina puntu eta erdi gutxiago.

Aurreko urteetan bezala, sail honetako ia liburu guztiak analogikoan argitaratu dira (629 titulu, %97,7), eta 15 bakarrik digitalean (%2,3).

Liburu mota honetan itzulpenak beti izan duen garrantzia zertxobait apaldu da 2020an, %60,8an geratu baita. Berrargitalpenak, berriz, gora egin du azken urteekin alderatuta, %40raino iritsiz. Liburu mota honen izaera eta helmuga kontuan izanda, aurrerantzean ere goranzko joera hori indartzea albiste pozgarria izango litzateke.

Haur eta gazte liburuaren eboluzio-lerroa

Eboluzioaren lerroan suma daitekeenez, liburu mota hau azken hamarkadako urte gehienetako balioetan ibili da 2020an ere 2000ko erreferentziarekiko: 73,6 puntu gorago ibili da aurten. 2017 eta 2018ko balio altuetatik behera, dena den.

Haur eta gazte liburuaren eboluzioaren indizea

Eboluzioaren indizeak 5,1 puntuko igoera erakusten du. 2019ko beherakada saihestu da, gutxienez, baina igoera esanguratsurik gabe.

Giza eta gizarte zientziak: 330 titulu

	2016	2017	2018	2019	2020
Giza/Gizarte	323	330	290	335	330
Ekoizpenaren %	14,3	14,1	13,3	14,5	12,9
Urtetik urtera %Δ	3,2	2,2	–12,1	15,5	–1,5
Itzulpenen % (1. edizioan)	33,8	27,6	33,5	30,2	24,5
Berrargitalpenen %	8,4	7,9	7,2	6,0	6,4
Orrialde kopurua	58.310	61.042	51.732	58.457	50.899
Orrialde kopurua liburuko	180,5	185,0	178,4	174,5	154,2

Giza eta gizarte zientzietako liburuak 2019an berreskuratutako hirugarren lekuari eutsi dio 2020an ere, helduen literaturaren aurretik eta haur eta gazteentzako bi liburu moten ondoren.

Alor honetako sail guztietarako 330 titulu argitaratu dira: kopuru absolutua iazkoaren oso antzekoa den arren, ekoizpen orokorraren igoeraren testuinguruan, emaitza eskasa dela esan genezake: argi ikusten da hori, izan ere, liburu mota honen ehunekoaren jaitsierari erreparatuz: %14,5etik %12,9ra.

Analogikoaren zein digitalaren kopuruak pittin bat aldatu dira, digitalaren alde: zehazki, liburu analogikoa %76,1 da (251 titulu), eta digitala %23,9 (79). Alegia, 2019tik analogikoak hamar puntu behera egin du, digitalak gora egin duen neurri bera.

Itzulpenaren pisua jaitsi egin da berriro, bigarren urtean jarraian: 2018ko %33,5etik 2020ko %24,5era erori da bi urtetan.

Liburu mota honek gizarte esparru handia hartzen du bere baitan: filosofiatik hasi eta geografia edo historiaraino, soziologia, etnologia edo hizkuntzalaritzatik barrena. Eta hori guztia elikatzeko, 330 titulu dauzkagu euskaraz. Eta urtero ia titulu guztiak berriak dira, argitalpenaren indarra oso txikia baita (%6,4). Ez du lur hartzen, ez errorik sakontzen argitalpen mota honek. Diagnosia urterokoa da: gure diglosia kulturalaren beste adierazle baten aurrean gaude.

Giza eta gizarte liburuaren eboluzio-lerroa

2008ko gailurretik behera eginez, azken urteotan antzerako kopuru absolututan mugitu da liburu mota hau, kultur ekosistema osasuntsuago batek eskatuko lituzkeenetatik oso urrun, gure ustez.

Giza eta gizarte liburuaren eboluzioaren indizea

Ekoizpen orokorrak gora egin duen arren, hala eta guztiz ere, giza eta gizarte zientzietako liburuak ezin izan dio 2019ko kopuru xumeari berari ere eutsi. Ez dago ezer gehiago esan beharrik.

Barne sailkapena

Liburu mota honek bere baitan biltzen duen gaitegi zabala erakusten du zerrenda horrek. Eta hori guztia elikatzeko, 330 titulu soilik. Gure kulturaren eta liburugintzaren erretratu ezin fidelagoa eskaintzen digute datu horiek.

Helduen literatura: 296 titulu

	2016	2017	2018	2019	2020
Helduen literatura	276	285	316	311	296
Ekoizpenaren %	12,2	12,2	14,5	13,5	11,5
Urtetik urtera %Δ	–7,1	3,3	10,9	–1,6	–4,8
Itzulpenen % (1. edizioan)	23,6	22,3	26,4	30,9	19,3
Berrargitalpenen %	24,6	24,6	24,4	21,9	28,4
Orrialde kopurua	47.111	43.793	51.685	39.219	46.314
Orrialde kopurua liburuko	170,7	153,7	163,6	126,1	156,5

Helduen literaturaren multzoko 296 tituluen pisua %11,5 da ekoizpen orokorrean: jaitsi egin da 2019tik, bai kopuru absolutuan (15 titulu gutxiago), bai, bereziki, ekoizpen osoarekiko ehunekoan (bi puntu gutxiago). Izan ere, azken hamarkadako ehunekorik apalenaren aurrean gaude.

Multzo honetan 249 titulu argitaratu dira analogikoan (%84,1), 2019an baino 27 titulu gehiago; digitalean, aldiz, 47 soilik kaleratu dira (%15,9): 2019an baino 42 titulu digital gutxiago atera dira, beraz.

Nobedadeetan itzuli diren literatur liburuak %19,3 bakarrik izan dira (41 titulu), aurreko urteetako balioetatik behera. Berrargitaratutako liburuak, aldiz, %28,4ra igo dira (84 titulu), azken urteetatik gora. Berrargitalpenen datua igotzea beti iruditzen zaigu ekoizpen eta kontsumo osasuntsuagoaren adierazle.

Literaturaren eboluzio-lerroa

Bi hamarkada igaro ondoren, ia-ia 2000ko kopuru absolutu berean gaude 2020an: 2,8 puntu gorago soilik. Titulu kantitateari dagokionez, beraz, helduen literaturak ez du aurrera egiten, atzera ez bada.

Literaturaren eboluzioaren indizea

2019an eta 2020an behera egin du ekoizpenak, gutxi bada ere; aurten, 4,8 puntu. Azken hamar urteetan, sei aldiz egon da jaitsiera, eta lau urtetan bakarrik goranzko joera.

Generoka

Narratibaren nagusitasuna aurreko urteetako neurri bertsuan errepikatu da 2020an ere: %54,4, gainerako generoak urruti utziz. Olerkiak, bere aldetik, iazko beherakadari buelta eman dio, %14,2tik %17,9ra igoz.

Gainerakoak

Zientzia eta teknika: 70 titulu

	2016	2017	2018	2019	2020
Zientzia/Teknika	107	134	63	85	70
Ekoizpenaren %	4,7	5,7	2,9	3,7	2,7
Urtetik urtera %Δ	2,9	25,2	–53,0	34,9	–17,6
Itzulpenen % (1. edizioan)	27,2	19,8	15,0	17,1	10,3
Berrargitalpenen %	3,7	6,0	4,8	3,5	2,9
Orrialde kopurua	8.937	11.190	7.551	9.574	7.389
Orrialde kopurua liburuko	83,5	83,5	119,9	112,6	105,6

Zientzia eta teknika alorreko liburuak ez du burua altxatzen: behera egin du berriro kopuru absolutuan (70 titulu eskas bakarrik, 2019an baino 15 titulu gutxiago), baina, batez ere, ekoizpen osoarekiko ehunekoan: %2,7 besterik ez du eman. Mende honetako ehunekorik apalenaren aurrean gaude! Behin baino gehiagotan esan izan dugu: euskal liburugintzaren eta euskalgintzaren beraren ahuleziaren adibide bat gehiago dugu begien aurrean.

Zientzia eta teknikaren eboluzio-lerroa

Eboluzioaren lerroak lehen esandakoa berresten du: kopuru absolututan mende osoko bigarren datu baxuena izan da 2020koa; baina, ekoizpen orokorrak igoera izan duenez, urteko ehunekoa inoizko apalena da. Mende hasierako datuetatik behera dabil liburu sail hau, edozein normaltasun zantzutik urrun.

Aisia liburuak: 98 titulu

Aisiako liburua iazko kopuruaren inguruan geratu da, 98 titulurekin. Baina liburu mota honek arazo kuantitatibo eta kualitatibo larriak ditu: titulu gutxi, itzulpenak eskas, berrargitalpenik batere ez. Modernitatearen ikur den aisiak euskaraz ez du erakarpen handirik, dirudienez. Diglosiaren beste seinale bat: liburu mota hori ere erdaraz kontsumitzen dugu, antza.

2020ko liburuak: gai sailkapena

Sailak	Zenb. abs.	%
0. OROTARIKOAK	724	28,2
Zientzia eta kulturaren oinarri orokorrak. Bibliografia. Katalogoak. Bibliotekonomia. Entziklopediak. Kazetaritza. Museoak	24	0,9
Haur eta gazteentzako argitalpenak	700	27,3
1. FILOSOFIA	13	0,5
Metafisika. Ontologia. Estetika. Filosofia sistemak. Psikologia. Logika. Etika	13	0,5
2. ERLIJIOA. TEOLOGIA	8	0,3
Berezko teologia. Biblia. Kristologia. Mariologia. Teologia morala. Liturgia. Pastoral teologia. Eliza. Kristauez besteko erlijioak	8	0,3
3. GIZARTE ZIENTZIAK	1.261	49,1
Soziologia. Estatistika. Demografia. Politika. Ekonomia. Zuzenbidea. Herri administrazioa. Gizarte laguntza. Etnologia	151	5,9
Hezkuntza. Irakaskuntza. Heziketa. Pedagogia	1.110	43,2
5. ZIENTZIA HUTSAK. ZIENTZIA ZEHATZAK ETA NATURALAK	18	0,7
Matematikak. Astronomia. Fisika. Kimika. Geologia. Metereologia. Paleontologia. Biologia. Botanika. Zoologia	18	0,7
6. ZIENTZIA APLIKATUAK. MEDIKUNTZA. TEKNIKA	49	1,9
Medikuntza. Ingeniaritza. Teknika. Nekazaritza. Basogintza. Zooteknia. Etxeko ekonomia. Industria. Zenbait industria eta lanbide. Eraikuntza. Sukaldaritza	49	1,9
7. ARTEA. JOLASAK. KIROLAK	100	3,9
Artea. Estetika. Hirigintza. Arkitektura. Eskultura. Marrazketa. Margogintza. Argazkigintza. Musika	78	3,0
Jostaldiak. Jolas eta jokoak. Kirolak	22	0,9
8. FILOLOGIA. LITERATURA	340	13,2
Hizkuntzalaritza. Filologia	44	1,7
Literatura. Literatur generoak	296	11,5
9. BIOGRAFIA. HISTORIA. GEOGRAFIA	56	2,2
Biografiak	20	0,8
Historia.Geografia	36	1,4
GUZTIRA	2.569	100,0