Jakin 224

Argitxu Noblia Richard kultur eta politika eragilearen bizitzan eta jardunean sakontzeko aukera eskaintzen digu elkarrizketak: haurtzaroa Angelun; ikasketak herrian eta Bordelen; medikuntza ikasketak Bordeleko unibertsitatean, eta euskal ikasleen mugimenduarekin lehen harremanak; Enbata mugimenduaren sorrera eta parte-hartzea; mediku langintza Baionan; familia bizitza, bi senar eta sei seme-alabarekin; Seaskaren sortzailea eta 1969an elkartearen lehenengo lehendakaria; Seaskaren hasierako urteetako barne eta kanpo zailtasunak; Ipar Euskal Herriko hainbat kultur egitasmoren sorreran parte hartzea: Elkar, Gure Irratia, Sokoa enpresa, GFAM Lurra laborari elkartea...; ibilbide politikoa: 1989an Henri Grenet auzapezaren zerrendan Baionako Kontseiluko hautetsia, 1997an EAJko kidea eta 2008an Ipar Buru Batzarreko lehendakaria, 2012tik EAko kidea; Bakea Bai elkartearen sortzailea...

Seaskaren orainetik abiatuz, etorkizuneko erronkak iradokitzen dituzten apunteak eskaintzen dira, euskaratik hezkuntzara, ahozkotasunetik Euskal Baxora, proiektu burujabe osoagoa gizarteratzeko asmoz.