2016ko liburugintza

Katalogoa deskargatu pdf

Azterketa

Euskal liburugintza 2015

Joan Mari Torrealdai

Iturri estatistikoak

40 urte eta gero, azterketa mota hau aldatu egin beharko dut. Ez aurten, datorren urtean baizik. Kontua hau da: azken aldian informazioa biltzeko modua aldatu egin da.

Batetik, 2012an ISBN pribatizatu egin zen; ISBN agentziak Federación de Gremios de Editores de España delakoari eman zion gestioa. Horrela, 2014ko azarotik aurrera ISBN espainiar agentziak berrinprimaketak jasotzeari utzi egin zion, hain zuzen ere ISBN ez delako aldatzen.

ULege gordailuari buruzko 23/2011 legearen ondoren argitaletxeek berrinprimaketaren berri eman beharrik ez dutelako, aurrerantzean ale kopurua ezin dugu jakin, eta, beraz, ezta batez besteko tiradarik ere. Liburuari buruzko informazio asko galtzen da erabaki horren erruz. Erruz eta kulpaz, bai, irizpide ez-kulturala izan baita hori. Bestalde, argitalpen digitalek ez dute lege gordailurik behar. Gu 2009an hasi ginen argitalpen digitala edizio kontaketan sartzen. Estatuak, aldiz, 2016an sartu zuen lehenengoz.

Legearen aldaketak ondorio ugari dakartza, baina guri gehien interesatzen zaiguna da hemendik aurrera ezin dugula jakin tituluko zenbat ale eskaintzen zaizkion irakurlegoari. Bestela esan, eskaintza kultural egiazkoa zenbateko den ezin jakin. Gure kasuan, behintzat, munta handia du horrek. Zenbat titulu argitaratu diren jakitea informazioaren zati bat da. Osatzeko, jakin behar da zenbat berrinprimaketa eta zenbateko tirada ditugun. Aurrerantzean, informazio hori betiko galdu da. Gure kasuan, esaterako, gutxienez 443 tituluren berri galtzen dugu aurten. Ez da nolanahiko informazioa. Esaterako, Ikaselkar batek zenbat titulu jarri ditu aurten kalean? 60 ala 0?

Gure ustez ez da erabaki ona, baina bada, eta kito. Gure ustez, informazio asko galtzen da, estatistikoa baino askoz inportanteagoa, kulturala; eskaintza eta kontsumo kulturala zertan den jakiteko modu gutxiago dugu aurrerantzean. Hortik aurrera, nahi diren iruzkinak eta lantuak egin daitezke.

Orain arte, nahiz eta aipatu legea indarrean egon den 2011z geroztik, berrargitalpenaren informazioa biltzen saiatu naiz. Saiatu eta lortu ere, osoki ez bada ere. Euskal argitaletxeei zor diet informazio hori. Nahiz eta, zoritxarrez, argitaratzaile guztiek ez duten kolaboratzen. Bere lana seriotan hartuko balute… Ez da ba horren astuna berrinprimaketaren informazioa ere ematea. Argitaletxeen elkarlan, kolaborazio edo konplizitaterik gabe ezin dut aurrera egin. Argitaratzaileei esker informazioaren erdia inguratzen dut. Amore eman beharrean nago. Zera esan nahi du horrek: datorren urtetik aurrera nobedadeen azterketara mugatuko dela nire lana. Zer erremedio. ISBN berria daukaten tituluak bakarrik hartuko ditut aintzat. Eta, alderaketak egin ahal izateko, bost urte atzera irizpide bera planteatu behar.

Oraintxe bertan hauek dira gure informazio iturriak:

• Argitaletxe eta argitaratzaileak zuzenean: %48,3.
• Liburutegiak, Koldo Mitxelena Kulturunea eta Donostiako Udal Liburutegi Nagusia: %15,2.
• ISBN, ELSN eta EIPS arakatuz lortua: %26,5.
• Bestelako bideak (Internet, Biblioteca Nacional espainiarra…): %10.

Aurtengoaren atarian

2013 urteaz geroztik, bitan banatua eman ohi dugu azterketa hau: eskuetan duzu paperezko bertsioa. Azterketaren zati mamitsuena hementxe azaltzen dugu. Baina bertsio hau osatzeko, bertsio digitalera jo behar da, webgunean aurkituko duzuna. Informazio osagarriak, zehatzagoak, luze-zabalagoak, han daude. Han dago, baita ere, katalogoa, hau da, 2016ko titulu guztien fitxa bibliografikoa, ISBN duten tituluena eta ISBN gabekoena ere bai. ISBN gabeko 417. Guztira 2.478 titulu, 2016kotzat joak.

1. Urte asko da ISBNren jabe diren tituluak bakarrik jaso ohi ditudala modu sistematikoan, eta horiekin operatzen dut azterketa eta alderaketak egin ahal izateko. Baina ISBN gabeak ere jaso ohi ditut, eta katalogoan kokatzen ditut, arestian aipatu bezala. Hain zuzen ere Jakinen webgunean argitaratzen dugun katalogoan aurki ditzake irakurle interesatuak.
2. Aurtengo titulu kopurua 2.061 da, horietako %78,5 bertsio analogikoan eta %21,5 digitalean.
   Iaztik hona 373 titulu gutxiago argitaratu da. Gehiago galdu da digitalean (233 titulu), eta 140 titulu analogikotan.
   Nobedadeak %78,5 dira, 1.618 titulu, iaz baino gehixeago. Berrargitalpenen kopuruak 61 unitate irabazi du; orain %21,5 dira berrargitalpenak.
3. Ekoizpen tematikoari dagokionez, zer esan?
   Hezkuntzako tituluak 783 dira, %38, iaz baino bost puntu gehiago.
   Bigarren lekuan dator, ohikoa edo urterokoa denez, bestalde, gazteentzako liburua, 489 titulurekin; %23,7 suposatzen du, iaz baino 5,3 puntu gutxiago.
   Hirugarren tokia dagokio giza eta gizarte liburuari: 317 dira, %15,4.
   Laugarrena da literatura, 268 titulu, hots, %13.
   Bosgarren tokia dagokio zientzia eta teknikari buruzko liburuari: 108 titulu dira, eta %5,2 suposatzen du.
4. Ekoizleen kopurua ez da urtetik urtera modu esanguratsuan aldatzen: 300en inguruan dago aspaldi. Zertan esanik ez, ekoizle ugari horien artean denetarik dago: argitaletxe eta argitaratzaileak, txikiak eta handiak, profesionalak eta amateurrak, kanpoko zein bertokoak, izaera askotarikoak.

Ekoizleak eta ekoizpena

Urtea / Iturria	PEEL	Precisa / Conecta	Joan Mari Torrealdai
2000	1.425	1.589	1.719
2001	1.326	1.621	1.650
2002	1.342	1.588	1.773
2003	1.487	1.576	2.012
2004	1.904	1.584	1.922
2005	1.793	2.094	2.116
2006	1.525	1.710	1.981
2007	1.552	2.009	2.248
2008	2.156	2.094	2.667
2009	2.040	2.022	2.424
2010	1.852	2.006	2.240
2011	1.809	1.942	2.358
2012	1.224	1.985	2.135
2013	892	1.812	1.834
2014	1.126	1.882	2.184
2015	1.222	1.779	2.434
2016	1.644	1.680	2.061

Ondoko laukiak begi bistan uzten du estatistika emaile nagusien emaitza hain desberdina. Gakoa informazio iturrietan dago, bateko, eta informazioa eskuratzeko metodologian, besteko. Bestela ezin esplikatu kopuru diferentzia hori. Hainbat urtetan diferentzia hori handiago izan bada ere, ez da orain ere txikia: 400 titulu, eta berriz gure alde.

Diferentziak diferentzia, ikertzailearen fidagarritasuna dago auzitan. Eta, fidagarritasunaren aurretik, baita metodologia bera ere. Niri ez dagokit epaile lanik. Bakarrik esan, Panorámica de la edición española de libros (PEEL) lege gordailuz hornitzen omen dela. Conecta-k, Euskadiko Editoreen Elkarte eta Espainiako Editoreen Elkarteen Federazioarentzat egin ohi duen lanean, editoreei egin ohi dien kontsulta du informazio iturri.

Baina gu, aldiz, jasotzen dugun informazioaz gainera, guztiz proaktiboak gara: editoreengana jotzen dugu, eta liburutegietara, eta gainerako liburuen guneetan ere arakatu ohi dugu, arrasto bila.

Orrialde kopuruak

Orrialdeak / Urtea	2011	2012	2013	2014	2015	2016
Orrialdeak guztira	296.181	263.321	225.791	225.309	246.765	251.122
Urtetik urtera %Δ	7,3	–11,1	–14,3	–0,2	9,5	1,8
Batez beste liburuko	145,4	136,1	138,9	138,3	142,6	157,5

Azterketa kuantitatiboaren ildotik, orrialde kopuruen kontrolak ere garrantzia du. Titulu gutxiago izanik ere, baliteke eskaintza editorialak orrialde gehiago izatea. Aurtengo produkzioa bera lekuko: 373 titulu gutxiagorekin 5.000 orrialde gehiago ekoitzi dira.

Aurten, produkzioak eman duen gorako urratsarekin, espero zitekeen orrialde kopurua handitzea, baina horrela ez izateak badu azalpena: gora egin duena ez baita liburu analogikoa, liburu digitala baizik.

Inportantea da, baita ere, zein gai eremutan izan den jaitsiera edo igoera. Aurten, aisiakoetan, teknologikoetan, gazteentzakoetan eta gizartekoetan berdintsu mantendu da orrialde kopurua. Literaturan, aldiz, 7.000 hazi da, eta irakaskuntzakoan 5.000 orrialde jaitsi.

Zertan esanik ez da liburu analogikoari, eta berari bakarrik, dagokiola azterketa mota hori.

Argitaratzaileen jarduna

Ekoizle ugari

Tituluak	Argitaratzaileak
1	174
2-4	67
5-9	18
10-19	13
20-29	5
30-39	–
40-49	1
50-59	–
60-69	2
70-79	2
80-89	2
90-99	–
100-149	3
150etik gora	2

Ekoizleen azterketan sakontzeko, osagarri asko hartu behar dira kontuan, jardunaz gainera. Esaterako, izaera eta jatorria. Askotan, beti ez esatearren, ekoizpenarekin –izan kopurua, izan tematika– loturik dago argitaletxearen tipologia edo izaera.

Jada aipatua dugu ekoizle ugari direla euskal liburugintzan esku hartzen dutenak, 300 inguru. Askorentzat, gehien-gehienentzat, liburugintza aktibitate marjinala da. Esan nahi baita %60ek titulu bakarra argitaratu dutela. Eta %9 direla 10 titulura ere iristen ez direnak.

Urtean 10 titulu edo gehiago argitara emandakoak ekoizleen %10 dira. Horietako zazpi 30-100 titulu artean dabiltza, berrargitalpen eta guzti. Ehundik gora argitaratu edo berrargitaratu dute bostek.

Argitaletxe nagusien ekoizpena: 1.211 titulu

Argitaletxea	Nobedadeak	Berrargitalpenak	Titulu kopurua	%
Elkar	98	151	249	12,1
Edelvives-Ibaizabal	191	6	197	9,6
Santillana-Zubia	144	–	144	7,0
Ikaselkar	39	93	132	6,3
Erein	53	63	116	5,6
Edebé-Giltza	50	66	116	5,6
Anaya-Haritza	83	3	86	4,2
SM-Ikasmina	77	1	78	3,8
Ttarttalo	48	13	61	3,0
Pamiela	31	1	32	1,6
Guztira	814	397	1.211	58,8

Hamar argitaletxe, handienak eta komertzialak, daude zerrenda honetan. Badira hemen agertzen direnak baino gehiago ekoitzi dutenak, hala nola EHU (86), baina ez dira komertzial eta pribatuak.

Hamar handienen indarra jaitsi egin da: 263 titulu. Garai batean, gogoan dut, batzuek uste zuten hamar lehenek, horiek edo beste batzuek, gaztaren zati bat ez baizik eta osorik jango zutela. Ez da horrela gertatu. Eta, gainera, badirudi egonkorra dela egoera.

Hamar horien emaitzak ekoizpen osoaren %58,8 suposatzen du (iaz baino 4,1 puntu gutxiago ekoizpen osoan).

Jatorri geografikoari so, bosna dira bertoko eta kanpoko. Hori bai, bertokoak baino indartsuagoak dira kanpokoak: %51,3 vs %48,7, 31 titulu gehiago kanpokoek.

Argitaratzaileen tipologia

Argitaratzaile mota	Ekoizleak	Ekoizpena	%
Bertoko argitaletxe pribatu komertziala	56	841	40,8
Kanpoko argitaletxeak	40	746	36,2
Irakaskuntzakoa	18	144	7,0
Elkarte, talde, fundazio…	94	137	6,6
Argitaratzaile publikoa	44	117	5,7
Besterik	21	76	3,7

Tipologia horrek bost multzotan banatzen du argitaratzaileen unibertsoa, unibertso heterogeneoa. Bertan dira kanpokoak eta bertokoak, gero bereziki aztertuko ditugunak. Bertan dira, halaber, argitaratzaile komertzialak eta ez-komertzialak, pribatuak zein publikoak, handiak eta txikiak, irakaskuntzakoak zein talde, elkarte edota fundazio izaera daukatenak.

Bertoko argitaletxe pribatu komertziala

Multzo hau identifikatzeko, lau ezaugarri ditugu: erabakigunea Euskal Herrian daukate, profesionalak dira maila batean edo bestean, pribatuak dira, enpresa bokazioa dute. Eta inportanteena: horien guztien misioa liburu argitalpena da.

Ekoizleen %20,5 dira, iaz baino sei gutxiago. Ekoizpenaren %40,8ko indarra dute, baina iaz baino 125 titulu gutxiago ekoitzi dute. Bost puntutan ahuldu da.

Kanpoko argitaletxeak

Ekoizleen %14,5 dira, iaz baino hiru gutxiago. Ekoizpena mantendu egin dute (%36,2) eta indarrean puntu bat irabazi.

Ez ahaztu azterketaren ikuspegia: alegia, argitaletxe profesionalen ekoizpena neurtu eta alderatzen dugu hemen, profesionalena, eta ez bestelako eragileena.

Argitaratzaile publikoa

Ekoizleen %16 argitaratzaile publikoa da, Eusko Jaurlaritza eta bere organoak aurrena. Ekoizpena, aldiz, %5,7 da. Aurreko urtetik aurtengora ez dago batere aldaketarik sail honetan, ez ekoizleei dagokienean, ez eta ekoizpenari.

Elkarte, fundazio eta parekoak

Iaz baino 20 ekoizle gehiago dago sail honetan. Multzorik handiena da kopuruz, 94, hots, %34,5. Produkzioa, aldiz, %6,6 da, iaz baino puntu bat altuagoa.

Irakaskuntzakoak

Aurreko urteetako ekoizle kopuru bera da, guztien %7. Produkzioak gora egin du, 34 titulu. Ekoizpenaren %7 suposatzen du horrek, aurrekoan baino bi puntu gorago.

Ekoizle unibertsitarioa

Produkzioaren hurrenkeran hirugarren edo laugarren tokia legokioke, Elkar eta Edelvives-Ibaizabalen ostean eta Santillana-Zubiaren pare. Atzetik ditu Erein, Edebé-Giltza, Anaya-Haritza eta beste. Hala ere, lehen hamarren artean ez dugu sartzen, hor argitaletxe profesional-komertzial-pribatuak daudelako.

Hamar ekoizle dira sail honetan aztertu ditugunak. Horien emaitzetan, nobedadeak %98 dira eta berrargitalpenak %2. Esanguratsua da berrargitalpenaren maila eskasa.

Beste ezaugarri bat hau da, digitala paperaren gainetik dagoela, %65 %35en aurka.

Hona gaien hurrenkera:

Gaiak	%
Orotarikoak	0,7
Hezkuntza/Irakaskuntza	10,5
Haur/Gazte	1,4
Giza/Gizarte	45,4
Helduen literatura	2,8
Zientzia/Teknika	32,2
Aisia	7,0
	%100

Bi gai eremutan biltzen da ekoizpena, giza eta gizarte gaietan (%45) eta zientzia eta teknikan (%32).

Eragile asko ez dira, eta denetan nagusia EHU da, diferentzia handiz (%67). UEU da bigarrena, urruti: %20,5. EHU-UEUren (bien arteko argitalgintzaren) ekoizpena: %5,5.

Hutsaren hurrengoak dira beste unibertsitateak, Deustu, Mondragon, Nafarroako eta Iparraldeko unibertsitateen ekoizpena.

Bertokoak eta kanpokoak merkatu berean

Bertoko eta kanpoko editorialak bereizteak xenofobiatik ez du ezer. Bereizketa geografikoa da azalez, baina ekosistema industrial eta kulturalean berebiziko garrantzia duena sakonean. Kontua da ekoizpenaren erabakigunea nork duen, bereziki hezkuntza curriculumean. De facto, esaterako, hezkuntza edo irakaskuntzako liburu produkzio handiena ez dago euskal editorialen esku, baizik eta estatu mailako argitaletxeetan. Curriculum propioa proposatzen duen Eusko Jaurlaritzarentzat badu garrantzirik gertakari horrek.

Hiru taula baliatuz azaldu nahi dut bi edizio-mota horiek, alegia, kanpoko argitaletxeek edo bertoko argitaletxeek, argitalgintzan duten portaera.

Taula bakoitzak bost zutabe dauzka: lehenean gaia agertzen da, eta hurrengo hiruretan ekoizleak: bertoko, kanpoko eta gainerakoak. Bertoko eta kanpoko diogunean, ez gara ari hango edo hemengo guztiez, baizik eta argitaletxe profesional-komertzial-pribatuez. Horietaz gain bada ekoizle gehiago, hala nola elkarteak, erakundeak eta beste.

Lehen taulan zifra absolutuak agertzen dira, eta horiei esker ikus daiteke zein den edizio mota bakoitzaren pisua.

Bigarren taulak alderaketaren ikuspegia proposatzen du. Ezker-eskuin, etzanean irakurri behar da taula hori, gai-eremuz gai-eremu kanpokoen eta barrukoen indarra zein den neurtzeko.

Hirugarren taula, azkenik. Zutikakoa edo bertikala da, zutabe bakoitza goitik behera irakurtzekoa, editorial mota bakoitzaren baitan ekoizpena non mamitzen den adierazteko balio du. Edizio mota bakoitzaren indargune eta ahulguneak non dauden erakusten du.

Gaia/Ekoizlea	Balio absolutuak
	Bertoko	Kanpoko	Gainerakoak	Guztira
Ekoizpen osoa	841	746	474	2.061
HI	188	573	22	783
HG	341	127	21	489
GG	60	11	246	317
HL	205	7	56	268
ZT	13	25	70	108
AL	26	2	48	76
Besterik	8	1	11	20

Oro har, ekoizpen osoan Euskal Herrian argitaratzen diren liburuak dira nagusi, bai bertoko editore komertzialek argitara ematen dutena (841 titulu) eta bai elkarte, talde, fundazio, argitaldari publiko eta enparauek argitaratzen dutena (474 titulu). Guztira: 1.315.

Gaia/Ekoizlea	% horizontalak
	Bertoko	Kanpoko	Gainerakoak	Guztira
Ekoizpen osoa	40,8	36,2	23,0	2.061
HI	24,0	73,2	2,8	783
HG	69,7	26,0	4,3	489
GG	18,9	3,4	77,7	317
HL	76,5	2,6	20,9	268
ZT	12,0	23,2	64,8	108
AL	34,2	2,6	63,2	76
Besterik	40,0	5,0	55,0	20

Zutabeka alderatzekoa da, alegia, bertoko eta kanpokoena. Ekoizpen osoan lau puntu goitik daude bertokoak. Beste alor askotan ere bai, eta batez ere haur eta gazteen literaturan (44 puntu goitik) eta helduen literaturan (75 puntu goitik).

Kanpokoen ekoizpenak ere baditu bere indarguneak; gutxi, egia esan. Bat, zientzia eta teknikako materiala (11 puntu goitik); eta bi, batez ere hau: hezkuntza eta irakaskuntzako materiala (49 puntu goitik). Alegia, irakaskuntza liburuetan, kanpoko argitaletxeak dira txapeldun. Horrek pizten ditu alarma argiak. Bertokoek baino 385 titulu gehiago kaleratzen dute kanpokoek, bertokoek 188 eta kanpokoek 573. Alde ederra. Alde kezkagarria, zein materialez ari garen kontuan hartuta.

Gaia/Ekoizlea	% bertikalak
	Bertoko	Kanpoko
Ekoizpen osoa	100	100
HI	22,3	76,8
HG	40,6	17,0
GG	7,1	1,5
HL	24,4	0,9
ZT	1,5	3,4
AL	3,1	0,3
Besterik	1,0	0,1

Irakurketa bertikal horrek edizio mota bakoitzaren produkzioaren egitura azaltzen du. Edizio mota bakoitzean zein diren indarguneak eta zein ahulguneak.

Bertoko argitalgintzak hiru indargune ditu: hezkuntza eta irakaskuntza, haur eta gazteentzako liburua eta helduen literatura. Hiru horietatik indartsuena haur eta gazteen literatura da.

Kanpoko argitalgintzak indargune bakarra du, haur eta gazteentzako liburua. Bere produkzioaren %76,8 liburu mota hori da. Horri haur eta gazteentzako literatura erantsiz, kanpokoen ekoizpenaren %93,8 da bien artekoa, ia produkzio osoa.

Hiru taulen irakurketa bateratuak begien bistan uzten du nire ustezko arazo larria, guztiz larria. Hots, euskarazko hezkuntza proiektu gehienak Euskal Herritik kanpo diseinaturikoak dira, beste eta bestelako curriculum proiektuen arabera landuak. Jatorri horren markak nonahi agertzen dira: geografian, historian, oraingo zatiketa administratibo-politikoan, ikuspegi euskaltzalean…

Euskarazko bertsioaz ari naiz hemen. Erdarazko irakaskuntza liburuak curriculum bera du, kanpoan diseinaturikoa. Eta erdarazko ekoizpena askoz ere handiagoa da.

Hitz batez esanda, Euskal Herrian zabaltzen diren hezkuntza proiektu gehienak inportaziokoak dira.

Argitalpen digitala

Argitalpen digitala ekoizpen osoaren %21,6 da. Jaitsi egin da, azken hiru urteotan goitik ibili ondoren. Gainera, argitaratzaile nagusiak kanpokoak dira.

Gaia	Analogikoa	Digitala	Guztira
Aisia	96,1	3,9	76
Giza/Gizarte	80,1	19,9	317
Haur/Gazte	98,6	1,4	489
Hezkuntza/Irakaskuntza	64,7	35,3	783
Helduen literatura	86,6	13,4	268
Zientzia/Teknika	45,3	54,7	108

Digitalak liburu analogikoari ez dio inon gaina hartzen, baina badu indarrik, hala nola zientzia eta teknika liburuetan (%54,5), irakaskuntzakoan (%35,5) eta giza-gizarte liburuetan (%20). Helduen literaturan ere badu parterik (%13,5).

Gaia	Analogikoa	Digitala
Aisia	4,6	0,7
Giza/Gizarte	15,9	14,1
Haur/Gazte	30,2	1,6
Hezkuntza/Irakaskuntza	31,7	62,2
Helduen literatura	14,5	8,1
Zientzia/Teknika	3,1	13,3

Produkzio mota bakoitzaren ekoizpen egitura islatzen du lauki horrek. Bakoitzak bere egitura du, eta oso desberdina da bi kasuetan.

Analogikoak egitura konpentsatuagoa du, hirutan mailaka daitekeena: bi gai eremu %30 bueltan (hezkuntza, %31,7; gazteentzako literatura, %30,2); beste bi eremu %15 inguruan (giza eta gizarte zientziak, %15,9; helduen literatura, %14,5); eta, azkenik, hirugarren multzotxoa, %3-4 inguruan.

Liburugintza digitalak egitura hautsia du: hezkuntza liburuak %62,2 hartzen du. Beste bi liburu mota datoz gero atzetik: giza eta gizarte zientzietako liburuak (%14,1), eta beste horrenbeste zientzia eta teknikari buruzkoak (%13,3).

Eskaintza editoriala

300 bat eragileren lana edo emaitza aztertzen da sail honetan. Emaitza horren baitan kokatzen dira tituluak, nobedadeak, berrargitalpenak, itzulpenak. Horietako 1.615 analogikoak dira, paperean argitaratuak, eta 446 digitalak. Balio horietan barna ibiliko gara hurrengo orrietan.

Irakurlea jabetuko da 2016 urteko ekoizpena dela aztergaia, noski, baina ez modu isolatuan, kontrara baizik. Urte bat bakarra motz gelditzen da behar bezala interpretatzeko, kontuan hartu gabe eboluzioa, hain zuzen ere 2000tik honakoa.

Eskaintza editoriala zertan den laburzki azalduko dugu paperean. Eta luzeago, askoz luzeago eta zehatzago, bertsio digitalean, Jakinen webgunean.

2.061 titulu

2000tik honako ibilbidean gailurra 2008an kokatzen da. Baina iazko ekoizpena da bigarren ekoizpen altuena. Iaztik hona, ordea, jaitsiera nabarmena da oso. Salbuespen bat kenduta, 2013koa, 2006an kokatzen gaitu aurtengo produkzio mailak. Ederki erakusten du hori grafikoak. Hamar urtetan, salbuespen bakarrekin berriz esan, gorago ibili gara.

Paperezko edizioa eta edizio digitala bereiz aztertzen baditugu, gailurrak ez dira berak.

Aurten produkzioa jaitsi egin da, baina ez proportzio berean paperean eta digitalean.

Analogikoan 140 titulu galdu du eta digitalean gehiago, 233 titulu.

Urtea / Liburu mota	Analogikoa	Digitala	Guztira
2005	2.102	14	2.116
2006	1.973	8	1.981
2007	2.210	38	2.248
2008	2.560	107	2.667
2009	2.182	242	2.424
2010	1.988	252	2.240
2011	2.117	241	2.358
2012	1.974	161	2.135
2013	1.650	184	1.834
2014	1.667	517	2.184
2015	1.755	679	2.434
2016	1.615	446	2.061

Lauki horrek unibertso beraren beste ikuspegi bat erakusten du. Hamabi urteko ibilbidea hartu eta urtez urte erakusten du zein den liburugintza analogikoaren eta produkzio digitalaren pisua.

Tituluen eboluzioa

Tituluen eboluzio honetan liburu mota guztiak agertzen dira, nobedadeak, berrargitalpenak, euskaraz sorturikoak, itzulpenak. Eta bi erreferentziaguneen arabera aztertuko dugu, bata 2000 urtea eta bestea aurreko urtea, 2015. Beraz, ikuspegi luzea eta laburra, biak dira errealitatearen ispilu.

Tituluen eboluzio-lerroa

Aurtengo produkzio jaitsiera da datu nagusia. Eta gero interpretazioa: zer adierazten du, normalizazioa ala beheranzko joera? Zein da eredua, 2008 urtea ala 2013?

Tituluen eboluzioaren indizea

Aurreko urtearekiko 15 puntu galdu ditu aurtengo produkzioak. Aurreko bi urteetan igoera nabarmena izan zuen.

Nobedadeak eta berrargitalpenak

Urtea	Nobedadea	Berrargitalpena
2000	65,4	34,6
2001	70,5	29,5
2002	70,8	29,2
2003	70,9	29,1
2004	74,1	25,9
2005	71,4	28,6
2006	68,0	32,0
2007	69,9	30,1
2008	69,9	30,1
2009	69,8	30,2
2010	70,9	29,1
2011	72,1	27,9
2012	69,1	30,9
2013	68,9	31,1
2014	74,9	25,1
2015	84,3	15,7
2016	78,5	21,5
Batez beste	71,7	28,3

Grafiko horretan, produkzio orokorrak eta lehen edizioak edo nobedadeak gorabehera berean doaz. Zera esan nahi du horrek, nobedadeak sekulako indarra duela, eta berak definitzen duela ibilbidea.

Behean, %30 inguruan, mugitzen da berrargitalpena, gorabehera gutxirekin. Arestian esan bezala, berrargitalpenari buruzko informazioa, azken aldian, ez da guztiz fidagarria, argitaletxeek ez baitute beren ekoizpenaren atal hori deklaratzeko obligaziorik. Berriz esango dut, berrargitalpenaren berri izatea (are, ale kopurua) oso inportantea da kulturaren errealitatea ezagutzeko.

Nobedadeak

Nobedadeen eboluzio-lerroa

2000. urtea erreferentzia gisa hartuta, aurtengo produkzio maila ez da oso altua, 44 puntu; baina, egia esan, maila bertsua da gehien errepikatzen dena. Berrikitan bi urtek markatzen dute diferentzia, batek negatiboa (2013, 12 puntu gora) eta positiboa besteak (2015, 82 puntu gora).

Nobedadeen eboluzioaren indizea

Aurreko urtearekiko ekoizpenarekin alderatuta, 21 puntu jaitsi da. Grafikoak azaldu du, baita ere, aurreko bi urteetan gora nola egin duen: hurrenez hurren, 29,5 eta 25,5 puntu.

Nobedadeen jatorrizko eta itzulitako liburuak

Urtea	Jatorrizkoa	Itzulpena
2000	73,5	26,5
2001	68,9	31,1
2002	66,0	34,0
2003	67,7	32,3
2004	72,5	27,5
2005	72,5	27,5
2006	66,9	33,1
2007	64,6	35,4
2008	61,4	38,6
2009	72,0	28,0
2010	65,7	34,3
2011	69,5	30,5
2012	62,1	37,9
2013	58,6	41,4
2014	67,1	32,9
2015	69,3	30,7
2016	63,0	37,0
Batez beste	67,1	32,9

Argigarria da grafiko hori, zera erakusten baitu, balio absolutuez gainera, nobedadeen zifra orokorrak eta jatorrizko liburuarenak mugimendu berean doazela. Salbuespen bat seinalatuko nuke, 2008koa. Urte hori kenduta, itzulpenari dagokion lerroa etzana da.

Jatorrizkoa

Jatorrizko liburuaren eboluzio-lerroa

Bai lerro hautsia jatorrizko liburuaren eboluzioarena, oraintxe gora, oraintxe behera! Jaitsiera denetan handiena 2013koa da. Mende berriaren lehen urtea, 2000, erreferentzia hartuta, esan liteke aurten ez gaudela askoz gorago, 23,5 puntu gorago bakarrik.

Jatorrizko liburuaren eboluzioaren indizea

Urtez urteko eboluzioa aztertuz, seinala dezagun 28 puntu jaitsi dela aurreko urtetik. Nahiz eta bi urte on izan dituen jarraian, 2014-2015 urteak, justu aurrekoak.

Itzulitakoa

Itzulitako liburuaren eboluzio-lerroa

Itzulpenak pitin bat behera egin du. Baina ezdeusa da mugimendua 200tik honako ibilbidea ikusita. Goranzko joera duen bidea dirudi. Aldaketa nagusia 2008koa da. Iazkoa da bigarren altuena.

Itzulitako liburuaren eboluzioaren indizea

Gutxi jaitsi dela esanez ari ginen. Bada, zehazki, 4,9 jaitsi da aurreko urtetik hona. Bestela esan, itzulpenak barik jatorrizko liburuak izan du jaitsiera.

Berrargitalpenak

Hona txanponaren beste aurpegia, nobedadeen atzealdea. Sektorearen kanpoko ikuspegiz aritzen diren zenbait iritziemailek bigarren mailakoa bailitzan hartzen dute berredizioa, eta ez da horrela. Liburugintzaren ekosisteman bera da egonkortasuna dakarrena eta ekarpen soziokulturala bermatzen duena.

Berrargitalpenaren eboluzio-lerroa

Ikusia dugu berrargitalpenaren ibilbideak ez duela markatzen ekoizpenaren maila. 2000. urtean hastapena hartuta, 2009an dago gailurra; aurreko hiru urteetan goranzko bidea egiten du eta 2009 ondoren beherakoa. Iaz arte behera eta behera egiten du. Aurten, aldiz, gora egin du.

Berrargitalpenaren eboluzioaren indizea

Aurreko hiru urtez behera egin du berrargitalpenak, baina ez aurten. Aurten, iazkoarekiko, 16 puntu gora dago.

Berrargitalpenaren mailaketa

Lehen edizioak %78,5 hartzen du. Asko.

Berredizioaren indarra %21,5 da, 443 titulu, lautik bat ere ez.

Edizio mailaketan aurrena bigarren edizioa da; hirugarren mailan daude hirugarren eta laugarren edizioak.

Berrargitalpenaren goi mailan 94 titulu daude, hamar argitaraldi edo gehiagokoak.

Hamar argitaraldi eta gehiago

10. argitaraldia

Akapela. Chants basques	Uhaina Elkartea
Euskara 5 – Lan-koadernoa 10 (Txanela). Lehen Hezkuntza	Barrena, Saionara eta beste
Euskara eta Literatura 1. Batxilergoa	Alberdi, Andres eta beste
Ezekiel nora ezean	Osoro, Jasone
Garmendia eta zaldun beltza	Uribe, Kirmen
Ikaslearen liburua 5 (Material globalizatua) (Txanela). Lehen Hezkuntza (6 liburuxka)	Saenz, Maite eta beste
Ingelesen hilerria	Mendiola, Jose Maria
Irakurgaiak 3 (Txanela). Lehen Hezkuntza	Elkar
Irakurgaiak 4 (Txanela). Lehen Hezkuntza	Barrena, Saionara eta beste
Miru eta Mara	Zubeldia, Iñaki eta beste
Musika 5 – Lan-koadernoa 5 (Txanela). Lehen Hezkuntza	Aizarna, Kontxi eta beste
Nire amak ez dauka erremediorik	Mendizabal, Antxiñe
Psikologia 1/2 (Batxilergoa 1 zaharra)	Elhuyar

11. argitaraldia

Ahaztuen mendekua	Ladron Arana, Alberto
Elhuyar ikaslearen hiztegia	Elhuyar Hizkuntza Zerbitzuak
Euskara 5 – Lan-koadernoa 9 (Txanela). Lehen Hezkuntza	Barrena, Saionara eta beste
Greta	Osoro, Jasone
Kandinskyren tradizioa	Saizarbitoria, Ramon
Leturiaren egunkari ezkutua	Txillardegi
Mendaroko txokolatea	Irasizabal, Iñaki
Musika 4 – Lan-koadernoa 4 (Txanela). Lehen Hezkuntza	Aizarna, Kontxi eta beste
Sexu egunsentiak	Morillo, Fernando
Xivaren malkoak	Mallorquí, César

12. argitaraldia

Ahaztuen mendekua	Ladron Arana, Alberto
Euskal Hiztegi Modernoa	Elhuyar Hizkuntza eta Teknologia
Matematika 5 – Lan-koadernoa 10 (Txanela). Lehen Hezkuntza	Goñi, Jesus Mari
Matematika 5 – Lan-koadernoa 9 (Txanela). Lehen Hezkuntza	Goñi, Jesus Mari
Matematika 5. Baga Biga (Txanela). Lehen Hezkuntza	Goñi, Jesus Mari
Matematika 6 – Lan-koadernoa 11 (Txanela). Lehen Hezkuntza	Goñi, Jesus Mari
Matematika 6 – Lan-koadernoa 12 (Txanela). Lehen Hezkuntza	Goñi, Jesus Mari
Matematika 6. Baga Biga (Txanela). Lehen Hezkuntza	Goñi, Jesus Mari
Musika airean	Jaio, Karmele
Nora ez dakizun hori	Jimenez, Irati
Palestina, zure minaa	Bilbao, Begoña
Suminaren estrategia	Morillo, Fernando

13. argitaraldia

Abereen etxaldea	Orwell, George
Bostak berriro Kirrin uhartean	Blyton, Enid
Euskara 4 – Lan-koadernoa 7 (Txanela). Lehen Hezkuntza	Askoren artean
Euskara 4 – Lan-koadernoa 8 (Txanela). Lehen Hezkuntza	Askoren artean
Ikaslearen liburua 3 (Material globalizatua) (Txanela). Lehen Hezkuntza (8 liburuxka)	Saenz, Maite eta beste
Ikaslearen liburua 4 (Material globalizatua) (Txanela). Lehen Hezkuntza (7 liburuxka)	Saenz, Maite eta beste
Matematika 4 – Lan-koadernoa 8 (Txanela). Lehen Hezkuntza	Goñi, Jesus Mari
Matematika 1 – Lan-koadernoa 2 (Txanela). Lehen Hezkuntza	Goñi, Jesus Mari
Material globalizatua 2. Lehen Hezkuntza. Ikaslearen liburua (9 liburuxka) [1. Zein txikia jaio nintzen! – 2. unitatea. Nolako txabola! – 3. unitatea. Boga-boga marinela! – 4. unitatea. Hamar, bederatzi, zortzi, zazpi, sei! – 5. unitatea. Makina matxuratuta!, goazen mekanikariarengana! – 6. unitatea. Gora Gutenberg! Gora Marconi! – 7. unitatea. Goazen mendira! – 8. unitatea. Amaiera da hasiera! – 9. Material osagarria 2]	Oiarbide, Josi eta beste
Munduari itzulia 18 ipuinetan	Irusta, Antton
Musika 2 – Lan-koadernoa 2 (Txanela). Lehen Hezkuntza	Goñi, Jesus Mari
Musika 3 – Lan-koadernoa 3 (Txanela). Lehen Hezkuntza	Goñi, Jesus Mari

14. argitaraldia

Aulki-jokoa	Alberdi, Uxue
Egun denak ez dira berdin	Etxeberria, Xabier
Euskara 1 – Lan-koadernoa 1 (Txanela). Lehen Hezkuntza	Saenz, Maite eta beste
Euskara 1 – Lan-koadernoa 2 (Txanela). Lehen Hezkuntza	Saenz, Maite eta beste
Euskara 2 – Lan-koadernoa 3 (Txanela). Lehen Hezkuntza	Oiarbide, Josi eta beste
Euskara 3 – Lan-koadernoa 5 (Txanela). Lehen Hezkuntza	Barrena, Saionara eta beste
Euskara 3 – Lan-koadernoa 6 (Txanela). Lehen Hezkuntza	Barrena, Saionara eta beste
Matematika 3 – Lan-koadernoa 5 (Txanela). Lehen Hezkuntza	Goñi, Jesus Mari
Matematika 3. Baga Biga (Txanela). Lehen Hezkuntza. 1. zikloa	Goñi, Jesus Mari
Matematika 4 – Lan-koadernoa 7 (Txanela). Lehen Hezkuntza	Goñi, Jesus Mari
Matematika 14. Baga Biga (Txanela). Lehen Hezkuntza. 1. zikloa	Goñi, Jesus Mari

15. argitaraldia

Bihotz nahasiak	Morillo, Fernando
Euskara 2 – Lan-koadernoa 4 (Txanela). Lehen Hezkuntza	Oiarbide, Josi eta beste
Haltzak badu bihotzik	Mendiguren Bereziartu, Iñaki
Ikaslearen liburua 1 (Material globalizatua) (Txanela). Lehen Hezkuntza (10 liburuxka)	Saenz, Maite eta beste
Matematika 1 – Lan-koadernoa 1 (Txanela). Lehen Hezkuntza	Goñi, Jesus Mari
Matematika 1 – Lan-koadernoa 2 (Txanela). Lehen Hezkuntza	Goñi, Jesus Mari
Matematika 1. Baga Biga (Txanela). Lehen Hezkuntza. 1. zikloa	Goñi, Jesus Mari
Matematika 2 – Lan-koadernoa 3 (Txanela). Lehen Hezkuntza	Goñi, Jesus Mari
Matematika 2 – Lan-koadernoa 4 (Txanela). Lehen Hezkuntza	Goñi, Jesus Mari
Matematika 3 – Lan-koadernoa 6 (Txanela). Lehen Hezkuntza	Goñi, Jesus Mari
Musika 1 – Lan-koadernoa 1 (Txanela). Lehen Hezkuntza	Xirula Mirula Elkartea
Obsexuen kluba	Mendiguren Elizegi, Xabier

16. argitaraldia

Erinias taberna	Ormaetxea, Amaia
Haltzak badu bihotzik	Mendiguren Bereziartu, Iñaki
Jolas egiteko ipuinak	Rodari, Gianni

17. argitaraldia

100 metro	Saizarbitoria, Ramon
Hamaseigarrenean, aidanez	Lertxundi, Anjel
Urtebete itsasargian	Meabe, Miren Agur

18. argitaraldia

Ipuin batean bezala	Irigoien, Joan Mari
Urtebete itsasargian	Meabe, Miren Agur

21. argitaraldia

Ezekiel	Osoro, Jasone
Ortzadarra sutan	Morillo, Fernando

22. argitaraldia

Arotzaren eskuak	Ladron Arana, Alberto
Ezekiel	Osoro, Jasone
Narrazioak	Sarrionandia, Joseba
Nikolas Txiki	Goscinny, René
Ortzadarra sutan	Morillo, Fernando

23. argitaraldia

Amaren eskuak	Jaio, Karmele
Arotzaren eskuak	Ladron Arana, Alberto

25. argitaraldia

Irakasle alu bat

Mendiguren Elizegi, Xabier

26. argitaraldia

Behi euskaldun baten memoriak	Atxaga, Bernardo
SPrako tranbia	Elorriaga, Unai

35. argitaraldia

Connemara gure bihotzetan

Gabiria, Julen

36. argitaraldia

Connemara gure bihotzetan

Gabiria, Julen

43. argitaraldia

110. Street-eko geltokia

Zabaleta Urkiola, Iñaki

46. argitaraldia

Ostegunak

Arretxe, Jon

Hamar argitaraldi edo gehiago izan duten tituluak nola kokatzen diren edizioka azalduko dugu orain. Hiru gorenak hogeita hamahirutik gora daude, bada zerbait. Zerrendatik desagertu egin da Kutsidazu bidea, Ixabel, argitaratzen zuen Alberdania desagertzearekin batera.

Uste izatekoa da hauek guztiak eskola zirkuituan integratuta egongo direla.

Urte bereko berrargitalpenak

1/2 edizioak

33 ezkil	Gorrotxategi, Miren
Arian B2.1. Lan-koadernoa. Erantzunak	Etxabe, Itziar eta beste
Gezurren basoa	Ladron Arana, Alberto
Hurriztiko txita
Maitagarri eta animalien ipuinak	Susaeta Taldea
Munstro arrosa	De Dios, Olga
Zomorroen kluba	Martinez Navarro, Laida
Zuria izan nahi zuen hartza
Zutik ozta-ozta nator. Benantzio Iñurrietak kartzelatik idatzitako gutunak, 1936-1940	Oregi, Benan

3/4 edizioak

Bizikleta txangoak Arabako ibilbide berdeen sarean	Ingurumen eta Biodibertsitate Zerbitzua
Euskara eta Literatura 2. DBH. Jarduera fitxak	Artolazabal, Amaia eta beste
Iraupena eta lekukotasuna. Euskal literatura idatzia 1900 arte	Salaberri Muñoa, Patxi

5/6/7 edizioak

Kensukeren mundua

Morpurgo, Michael

6/7 edizioak

Piztiaren begiak

Ladron Arana, Alberto

8/9/10 edizioak

Psikologia 1/2 (Batxilergoa 1 zaharra)

Elhuyar

9/10 edizioak

Ezekiel nora ezean

Osoro, Jasone

11/12 edizioak

Ahaztuen mendekua

Ladron Arana, Alberto

15/16 edizioak

Haltzak badu bihotzik

Mendiguren Bereziartu, Iñaki

17/18 edizioak

Urtebete itsasargian

Meabe, Miren Agur

21/22 edizioak

Ezekiel

Osoro, Jasone

21/22 edizioak

Ortzadarra sutan

Morillo, Fernando

22/23 edizioak

Arotzaren eskuak

Ladron Arana, Alberto

35/36 edizioak

Connemara gure bihotzetan

Gabiria, Julen

Titulu errepikatuak

3 edizio

Kensukeren mundua	5/6/7
Psikologia 1/2 (Batxilergoa 1 zaharra)	8/9/10

2 edizio

33 ezkil	1/2
Ahaztuen mendekua	11/12
Arian B2.1. Lan-koadernoa. Erantzunak	1/2
Arotzaren eskuak	22/23
Bizikleta txangoak Arabako ibilbide berdeen sarean	3/4
Connemara gure bihotzetan	35/36
Euskara eta Literatura 2. DBH. Jarduera fitxak	3/4
Ezekiel	21/22
Ezekiel nora ezean	9/10
Gezurren basoa	1/2
Haltzak badu bihotzik	15/16
Hurriztiko txita	1/2
Iraupena eta lekukotasuna. Euskal literatura idatzia 1900 arte	3/4
IMaitagarri eta animalien ipuinak	1/2
Munstro arrosa	1/2
Ortzadarra sutan	21/22
Piztiaren begiak	6/7
Urtebete itsasargian	17/18
Zomorroen kluba	1/2
Zuria izan nahi zuen hartza	1/2
Zutik ozta-ozta nator. Benantzio Iñurrietak kartzelatik idatzitako gutunak, 1936-1940	1/2

Ekoizpen tematikoa

Gai multzoa	Zenbaki absolutuak	%	2016/2000
Hezkuntza/Irakaskuntza	783	38,0	+ 29,8
Haur eta gazteentzako liburuak	489	23,7	+ 31,8
Giza/Gizarte zientziak	317	15,4	+ 10,4
Helduen literatura	268	13,0	+ 4,3
Zientzia/Teknika	108	5,2–	+ 10,2

Ekoizpen tematikoan edo edizioaren muinean gaude. Hau da, jakin nahi dugu euskaraz zer argitaratu den.

Ekoizpen tematikoa zortzi gai sailetan banatu ohi dugu urtero-urtero:

1. Hezkuntza eta irakaskuntzako liburuak
2. Haur eta gazteentzako liburuak
3. Giza eta gizarte zientzietako liburuak
4. Helduen literatura
5. Zientzia eta teknika alorreko liburuak
6. Aisiako liburuak
7. Orotarikoak
8. Erlijio liburuak

Lehen sei sailak bakarrik arakatuko ditugu, hornituenak.

Aurtengo edizioaren gai hurrenkera hau urte gehienetan errepikatu den berbera da. Lehen postuan hezkuntza liburua (aurten, 783 titulu edo edizio osoaren %38). Gainerako guztiak ekoizpen apalagokoak dira. Bigarrenak berak 294 titulu gutxiago ditu. Eta are gutxiago hurrengo guztiek.

Hezkuntza eta irakaskuntza: 783 titulu

Hezkuntzak, aurten, 269 titulu galdu ditu, bietan galdu ere: analogikoan 166 eta digitalean 103. Bakoitzaren indarra honela banatzen da: %64,5 analogikoa da eta %35,5 digitala. Digitalak, ikusten denez, indar handia du hezkuntzan.

	2012	2013	2014	2015	2016
Hezkuntza/Irakaskuntza	766	561	721	1.052	783
Ekoizpenaren %	35,9	30,6	33,0	43,2	38,0
Urtetik urtera %Δ	0,5	–26,8	28,5	28,5	–25,6
Itzulpenen % (1. edizioan)	21,6	25,1	10,6	12,9	27,4
Berrargitalpenen %	46,0	48,8	39,4	15,0	24,5
Orrialde kopurua	91.021	67.122	63.310	100.387	95.174
Orrialde kopurua liburuko	126,8	130,6	126,4	149,4	188,0

Ekoizpen orokorrean, hirutik bat pasa da hezkuntza liburua, zehazki %38; iaz baino gutxiago, hori bai (%43,2).

LLehen edizioaren baitan itzulpenaren pisua %27,4 omen da, baina ez da sinesgarria. Gauza jakina da argitaletxe askok itzulpena bere gordinean azaldu ordez kamuflatu, edo mozorrotu edo ezkutatu egiten dutela. Pentsatzekoa da zerikusia duela Eusko Jaurlaritzaren baimenarekin, irudi publikoarekin edo biekin.

Irakaskuntzaren eboluzio-lerroa

Grafikoak erakusten duen hezkuntza liburuaren eboluzioa gorabeheratsua da. Iaz jo zuen gailurra.

Irakaskuntzaren eboluzioaren indizea

Hamarkada honetan bost aldiz egin du gora hezkuntza liburuak eta lau aldiz behera. Iaz gailurra jo ondoren (45,9 puntu), aurten 25,6 punturekin konformatu behar.

Barne sailkapena

Taula honetan LH eta DBHko balioek ez dute zerikusirik aurreko urtekoekin alderatuz. Hona azken bost urteotako balioak, zutabeka:

Urtea	LH	DBH
2012	46,5	27,5
2013	46,0	21,0
2014	51,5	23,0
2015	65,4	25,5
2016	29,0	52,1

Ematen du azken lerroko zifrak zutabez aldatuak daudela. Ez da hori. Zifra aldaketa zuzena da, eta itxura batean sekulako iraultza ematen badu ere, ez da deus sakonik. Arrazoiak egon badaude, baina ez dira horren sakonak. Ez da, esaterako, irakurlegoa aldatu dela. Ez eta irakaskuntza politika aldatu dela ere.

Bi eratako zioek esplika lezakete zifra aldaketa. Batetik, eskola materialek bere egutegi propioa dute. Orain egokitu da DBHko material ugariren berrikuntza, ikasmaterial berriak plazaratzea.

Eta, bestetik, politika editoriala dago. Berritu diren material horiek liburu bakarretan argitaratu ordez, liburuxka edo faszikulutan banatu dituzte argitaletxeek, hiruhilabeteka. Liburuki bakoitzak bere ISBN duenez, horrela biderkatu dira horrenbeste. Gure ikuspegitik esan dezakegu funtsean ez dela horrenbeste aldatzen eduki maila.

Haur eta gazteentzako argitalpenak: 489 titulu

	2012	2013	2014	2015	2016
Haur/Gazte	607	589	605	585	489
Ekoizpenaren %	28,4	32,1	27,7	24,0	23,7
Urtetik urtera %Δ	–9,1	–3,0	2,7	–3,3	–16,4
Itzulpenen % (1. edizioan)	77,0	78,5	62,6	69,1–	68,1
Berrargitalpenen %	34,1	34,5	28,4	24,3	32,1
Orrialde kopurua	44.940	46.647	39.209	31.759	31.641
Orrialde kopurua liburuko	75,1	81,7	68,7	59,9	65,6

489 titulu ditu aurtengo haur eta gazteentzako produkzioak, iaz baino 96 titulu gutxiago.

Kopuru ia-ia berbera galdu da analogikoan zein digitalean, 49 eta 47. Ekoizpenaren %23,7rekin, mantendu egiten du iazko indarra. Baina aurreko urteetatik jada jaitsia zegoen indar posizioa.

Itzulpenak sekulako indarra du, iaz bezalatsu: %68,1.

Haur eta gazte liburuaren eboluzio-lerroa

2011tik aurrera beherantz doa, emeki-emeki gehienetan baina ez beti, grafikoak agerian jartzen duenez. Jaitsierarik handienetakoa aurtengoa litzateke.

Haur eta gazte liburuaren eboluzioaren indizea

Urtetik urterako eboluzioa markatzen duen grafikoan ikusten da haur eta gazteentzako liburuak ez duela bururik altxatzen. Aurten bertan aurreko urtearekiko 16,4 puntu galdu ditu.

Giza eta gizarte zientziak: 317 titulu

	2012	2013	2014	2015	2016
Giza/Gizarte	282	243	362	311	317
Ekoizpenaren %	13,2	13,2	16,6	12,8	15,4
Urtetik urtera %Δ	–26,4	–13,8	49,0	–14,1	1,9
Itzulpenen % (1. edizioan)	27,3	20,8	24,3	29,1	33,7
Berrargitalpenen %	9,6	7,0	4,7	6,1	8,2
Orrialde kopurua	55.061	45.851	57.580	55.953	57.230
Orrialde kopurua liburuko	218,5	230,4	224,0	241,1	225,3

Alor honetako sail guztietarako 317 titulu argitaratu dira. Sei titulu gehiago aurreko urtean baino. Bestalde, paperean aurrekoan baino 22 titulu gehiago argitaratu dira. Digitalean, aldiz, gora barik behera egin du kopuruak: 16 titulu jaitsi da. Digitalean, izan ere, pisu txikia du liburu mota honek. Zehazki, liburu analogikoa %80 da eta %20 digitala.

Itzulpenaren pisua ere dezentea da: %33,7, hirutik bat.

Berrargitalpenaren pisua txikia da oso, %8,2. Euskal kulturaren normalizazioak berrargitalpen askoz ere handiagoa eskatuko luke. Gaur, ordea, bizialdi bakarrekoa da liburu mota hau; bestela esan, titulu gutxi, tirada txikiak eta berrikuntzarik apenas. Ekoizpenaren %15,4 bada ere, titulu mailan bai, baina sozialki are apalagoa da bere indarra.

Giza eta gizarte liburuaren eboluzio-lerroa

2008tik 2013ra etengabea izan da liburu mota honen eboluzio negatiboa. 2014an jasoalditxoa izan zuen, eta orain berriz beherago dago.

Giza eta gizarte liburuaren eboluzioaren indizea

Teknikoki igoera izan duela esan badaiteke ere, ezdeusa da igoeratxoa; etorkizuna ez da ona azken hamar urteotako ibilbideari begiratuz.

Barne sailkapena

Helduen literatura: 268 titulu

268ko ekoizpena azken hiru urteotako apalena da. Liburu mota handiena paper ediziokoa da: %86,5 vs %13,5. Aurtengo edizioan ere digitalak 78 titulu galdu ditu. Eskerrak edizio analogikoak 52 titulu gora egin duen.

	2012	2013	2014	2015	2016
Helduen literatura	280	254	302	294	268
Ekoizpenaren %	13,1	13,8	13,8	12,1	13,0
Urtetik urtera %Δ	–9,7	–9,3	18,9	–2,6	–8,8
Itzulpenen % (1. edizioan)	22,7	25,7	28,9	27,8	23,6
Berrargitalpenen %	21,4	24,8	22,2	18,0	22,4
Orrialde kopurua	49.328	42.977	44.365	37.210	44.796
Orrialde kopurua liburuko	195,7	188,4	204,4	206,7	193,0

Literatur liburuaren pisua %13koa da. Indar maila horixe da gehien errepikatzen dena.

Berrargitalpenek eta itzulpenek pisu bertsua dute: %22,4 eta %23,6, hurrenez hurren.

Literaturaren eboluzio-lerroa

XXI. mendeko literatur liburuaren ibilbidea ez da harrotzekoa. Bederatzi urtetan 2000 urteko mailaren azpitik kokatzen da produkzioa. Aurtengoa da horietako bat. Hiru bat gehiagotan marratik ozta-ozta gora.

2009ko ekoizpena salbuespen bihurtu du geroko eboluzioak.

Literaturaren eboluzioaren indizea

2007tik hona, lau urte dira positiboak aurreko urtearekin alderatuz. Eta sei urtez negatiboa izan da eboluzioa.

Generoka

Gainerakoak

Zientzia eta teknika: 108 titulu

	2012	2013	2014	2015	2016
Zientzia/Teknika	115	79	91	104	108
Ekoizpenaren %	5,4	4,3	4,2	4,3	5,2
Urtetik urtera %Δ	–12,9	–31,3	15,2	14,3	3,8
Itzulpenen % (1. edizioan)	20,8	18,9	28,2	35,4	26,9
Berrargitalpenen %	7,8	6,3	6,6	7,7	3,7
Orrialde kopurua	12.859	10.392	12.412	9.130	9.066
Orrialde kopurua liburuko	167,0	188,9	206,9	152,1	185,0

Zientzia eta teknikaren eboluzio-lerroa

Aisia liburuak: 76 titulu

2016ko liburuak: gai sailkapena

Sailak	Zenb. abs.	%
0. OROTARIKOAK	540	26,2
Zientzia eta kulturaren oinarri orokorrak. Bibliografia. Katalogoak. Bibliotekonomia. Entziklopediak. Kazetaritza. Museoak	51	2,5
Haur eta gazteentzako argitalpenak	489	23,7
1. FILOSOFIA	14	0,7
Metafisika. Ontologia. Estetika. Filosofia sistemak. Psikologia. Logika. Etika	14	0,7
2. ERLIJIOA. TEOLOGIA	8	0,4
Berezko teologia. Biblia. Kristologia. Mariologia. Teologia morala. Liturgia. Pastoral teologia. Eliza. Kristauez besteko erlijioak	8	0,4
3. GIZARTE ZIENTZIAK	905	43,9
Soziologia. Estatistika. Demografia. Politika. Ekonomia. Zuzenbidea. Herri administrazioa. Gizarte laguntza. Etnologia	122	5,9
Hezkuntza. Irakaskuntza. Heziketa. Pedagogia	783	38,0
5. ZIENTZIA HUTSAK. ZIENTZIA ZEHATZAK ETA NATURALAK	82	4,0
Matematikak. Astronomia. Fisika. Kimika. Geologia. Metereologia. Paleontologia. Biologia. Botanika. Zoologia	82	4,0
6. ZIENTZIA APLIKATUAK. MEDIKUNTZA. TEKNIKA	26	1,3
Medikuntza. Ingeniaritza. Teknika. Nekazaritza. Basogintza. Zooteknia. Etxeko ekonomia. Industria. Zenbait industria eta lanbide. Eraikuntza. Sukaldaritza	26	1,3
7. EDERTIA. JOLASAK. KIROLAK	92	4,4
Edertia. Estetika. Hirigintza. Arkitektura. Eskultura. Marrazketa. Margogintza. Argazkigintza. Musika	83	4
Jostaldiak. Jolas eta jokoak. Kirolak	9	0,4
8. FILOLOGIA. LITERATURA	339	16,4
Hizkuntzalaritza. Filologia	63	3
Literatura. Literatur generoak	276	13,4
9. BIOGRAFIA. KONDAIRA. GEOGRAFIA	554	2,7
Biografiak	13	0,6
Kondaira.Geografia	42	2,1
GUZTIRA	2.061	100