Poeta gazte bati idatziak

Poeta gazte bati idatziak izeneko gutun-bilduma Rainer Maria Rilke poetak Franz Xaver Kappus poetagaiarekin bost urtez luzatu zen posta trukaketaren ondorioa da. Bertan, Rilkek bere burua eta bere bihotza ireki zizkion poeta izan nahi zuen gazte ezezagun bati. Horrela, sortze-lanaz eta poesiagintzaz bezainbeste mintzo da autorea bakardadeaz, maitasunaz eta heriotzaz. Eta zintzotasun eta sakontasun hunkigarri batez mintzo da guztiez. Patxi Salaberri Muñoak itzuli ditu gutun horiek euskarara, eta berak egindako sarreran, gainera, Rilkeren bizitzaren une nagusiak eta gutun-bildumaren gako esanguratsuenak aurkezten dizkigu.