Betiereko itzulera Nietzscheren pentsaeran

Friedrich Nietzscheren filosofiaren baitan leku berezia betetzen du betiereko itzuleraren tesiak. José Ignacio Galparsororen aburuz, Nietzscheren hipotesi hori aztertu eta ulertzeko, ezinbestekoa da XIX. mendeko testuinguru historiko eta zientifikoa aintzat hartzea. Beraz, liburu honetan betiereko itzulerari buruz egindako interpretazioak Nietzscheren garaiari ere begiratzen dio, interpretazio esklusiboki kosmologikoa edota esklusiboki etikoa saihestuz. Eta, jakina, betiereko itzulerari buruzko monografia bat egiterakoan, ezinbestekoa zaio egileari pentsaera nietzschetarraren beste funtsezko zenbait gairi heltzea: botere nahia, nihilismoa edo supergizakia, esaterako. Izan ere, gai horiek harreman estua daukate Nietzscheren pentsamenduarekin.