Zero. Transhumanismoa ate-joka Erdi Aro berrian

0 eta 1 zenbakien askotariko konbinazioak daude gure mundu geroz eta digitalagoaren oinarrian. 0 zenbakia Ekialdetik Mendebaldera heldu zenean (Goi Erdi Aroan, milurteko aldaketaren ostean), gauza asko aldarazi zituen, baina baita, agidanean, bidean zerbait utzi ere. Bidean geratu bide zen horretan jartzen du arreta lan honek, hari gidari modura hartuta bai orduko botere-borrokak, bai zenbaki arabiarrak Mendebaldean zabaldu gura izan zituen aita santu okzitaniar bereziaren bizitza harrigarria. Lan hau, izan ere, Errenazimentutik eta humanismoaren loralditik posthumanismoa zein transhumanismoa hizpide ditugun garaiotara eginiko ibilbidearen kronika baita, funtsean.