Wilhelm von Humboldt: hezkuntza eta hizkuntza

Iñaki Zabaleta Gorrotxategik, liburu honetan, hauxe azaldu nahi du: nola Wilhelm von Humboldtengan bat egiten duten gizakiaren inguruko formazio-teoriak (Bildungstheorie) eta aniztasuna kontuan hartzen duen hizkuntz-teoriak (Sprachtheorie). Honako hiru galderei erantzuten ahalegintzen da egilea: zein da Humboldtek gizakiaren izateari eta formazioari buruz duen kontzepzioa? Zergatik jotzen du Humboldtek beharrezkotzat bere antropologia —eta horrekin gizakiaren ezagutza eta humanizazioa— hizkuntzaren eremura ekartzea? Nola uztar daitezke, oraindik ere zehatzago, Humboldten antropologia pedagogikoa eta bere estudio linguistikoa? Galdegai horien arabera egituratzen da, hain zuzen, saiakera honetan aurkeztutakoa.