Tractatus De legibus ac Deo legislatore. Legeen eta Jainko legegilearen Tratatua. Testuak

Francisco Suárez jesuitak Espainiako eskolastikoen artean lehen maila eskuratu zuen. Pentsamendu juridiko eta politikoaren esparruan gailendu zen, eta 1612an argitaratu zuen De legibus liburua, izen handia ekarri ziona legelarien artean. Andres Urrutiak euskaratu duen testu horretan argi eta sakon azaldu zituen hark legearen kontzeptua eta izaera; orobat, nazioarteko zuzenbideari dagozkion arloetatik hainbat. Andres Urrutiaren beraren sarrerak Suárezen pentsamenduaren eta zuzenbidearen filosofiako oinarrizko idazki honen gakoak erakusten ditu.