Etikaren oinarrien bila: logika, etika eta metafisika

Liburu honetan, Ludwig Wittgensteinen filosofia (onto)logikoa eta etikoa kritikoki azaltzen du Jose Luis Alvarez Santa Cristinak, Wittgensteinek etikaz zuen ikuspegia ahalik eta zehatzen erakutsiz. Wittgensteinen etika ez ezik, Jainkoaz eta mistikaz idatzi zuen apurra ere hartzen du hizpide. Wittgensteinen pentsamenduan eta bizitzan etikak eta erlijioak izan zuten pisua ikusita, bidezko bezain beharrezko dirudi Wittgensteinen dimentsio etiko eta mistikoaz mintzatzea. Ondoren, etikaren zimendatze filosofiko eta antropologiko zabal bat proposatzen du. Ildo horretan, gizakiaren egitura etikoa zein den eta zertan den argitzen saiatzen da Alvarez Santa Cristina, tradizio filosofikoak antzinatik irekitako bidetik abiatuz eta aldi berean urrats berri samarrak proposatuz, Xavier Zubiri, Ignacio Ellacuria, Jose Luis Aranguren eta Luis Cencilloren obra nagusiak inspirazio-iturritzat hartuta.