Elbire Zipitriaren argitalpenen digitalizazio egitasmo honetan, guztira 33 idazlan eta 1.703 orrialde digitalizatu dira. Horietatik 20 idazlan dira Elbire Zipitriak berak idatzi eta argitaratutakoak. Lehenengo dokumentu digitalizatua 1930ekoa da, El Día egunkarian argitaratutako artikulua. Azken idazlana, berriz, 1981ean Goiz-Argi aldizkarian argitaratutako artikulu bat da. Gainerako 13 argitalpen digitalizatuak Elbire Zipitriaren bizitza eta obrari buruzko idazlanak dira.