2012-11-01 Artikuluak
Joxe Azurmendi idazle, filosofo eta Jakin Taldeko kideak bi sari jaso ditu udazken honetan: batetik, «Dabilen Elea» Saria, euskal liburuaren unibertsoko bost elkartek ematen dutena (Euskal Editoreen Elkartea (EEE), Euskal Idazleen Elkartea (EIE), Euskal Irudigileen Elkarte Profesionala (APIE-EIEP), Euskal Itzultzaile, Zuzentzaile eta Interpreteen Elkartea (EIZIE) eta Galtzagorri Haur eta Gazte Literaturaren Elkartea); eta, bestetik, Eusko Ikaskuntzaren eta Euskadiko Kutxaren Humanitate, Kultura, Arte eta Gizarte Zientzien Saria. Bi sari horien emate ekitaldietan esandako hitzak eskaintzen dira zenbaki honetan: «Dabilen Elea» Sariaren ekitaldian Olatz Osa, Joan Mari Torrealdai, Lorea Agirre, Xabier Mendiguren Elizegi eta Joxe Azurmendik esandakoak, eta Eusko Ikaskuntza-Euskadiko Kutxa Sariaren ekitaldian Joxe Azurmendi sarituak emandako hitzaldia. Jakin aldizkariak ere, horrenbestez, bat egiten du Joxe Azurmendi omendu eta ohoratzeko saio horiekin.