De iure belli ac pacis. Gerra eta bakearen zuzenbidea. Testuak

Hugo Grotius holandar legelariak, zuzenbidea, teologia, historia eta literatura landu bazituen ere, nazioarteko zuzenbidean eskuratu zituen goresmenik handienak, arlo horren ardatz nagusiak finkatu zituela. Haren lanik aipatuena De jure belli ac pacis (1625) da. Andres Urrutiak euskaratu duen testu horretan zehaztu zituen hark, zuzenbide naturalaren bidez, gizartea eratzeko premiazko diren lehendabiziko arauak. Giza arrazoimena gidari, gerraren zuzenbidea da, haren ustez, zimendu eta eustazpia, zin-zinezko bakearen antolamendu juridikoa osatzeko. Andres Urrutiaren beraren sarrerak Grotiusen pentsamenduaren eta zuzenbidearen filosofiako oinarrizko idazki honen gakoak erakusten ditu.