Iñaki Goirizelaia Ordorika (Bilbo, 1958). Dantzaria da. Ingeniari Industrialean doktorea da, eta Ingeniaritza Telematikoan katedraduna Euskal Herriko Unibertsitatean. EHUko errektorea izan zen (2009-2017), eta, lehenago, errektoreordea (1998-2000 eta 2004-2008). 1984an eta 1985ean, ikerlari bisitaria izan zen Kalifoniako Stanford Research Institute-n (SRI). 2004an, irakasle bisitaria izan zen Massachusettseko Teknologia Institutuko MediaLab laborategian. 2017an, Boiseko State University-ko (BSU) Eloise Garmendia Bieter katedraz jabetu zen. I2T ikertaldean honako arloak lantzen ditu: adimen artifiziala, ikusmen artifiziala eta telekomunikazio-sareetako segurtasuna. Hainbat artikuluren eta Programazioaren oinarriak eta Sareetan zehar dantzan Java erabiliz testuliburuen egilea da. Diasporako euskal balioei buruzko hausnarketa gauzatzen duen Bai, bagara! dokumentalaren sortzailea eta gidoigilea da. PuntuEus fundazioaren presidentea eta sortzaileetako bat eta Jakiunde akademiako ohorezko jakituna da.
Iñaki Goirizelaia Ordorika
Jakin-en ekoitzitakoak:
- Iritzi bilketa: Euskara batuaren ekarpenak eta erronkak Ikusi artikulua Jakin 225 aldizkaria
- Euskal Unibertsitatea ala Euskal Herriko Metabertsitatea? Ikusi artikulua Jakin 252 aldizkaria