Joseba Azkarraga Etxagibel (Abadiño, 1972). Soziologian doktorea da. Urte asko Mondragon Unibertsitatean eman ondoren, egun Euskal Herriko Unibertsitateko Soziologia eta Gizarte Langintza Saileko irakasle eta ikertzailea da. Bere interesgune nagusia da trantsizio ekosoziala eta hazkunde-osteko gizartea, eta nagusiki horiei loturiko subjektibotasuna eta alderdi psikokulturala (baita bestelako alderdi batzuk ere: elikadura burujabetza, erresilientzia komunitarioa, politika ekosozialak, edota ekonomia sozial-solidarioa). Hainbat argitalpen ditu: besteak beste, Berandu baino lehen (Alberdania, 2009) eta Euskal harriak. Trantsizio sozio-ekologikorako gogoetak (Alberdania, 2011) saiakerak. Eusko Jaurlaritzaren ‘Euskal Gizartearen Egoera’ ikerketa saria jaso zuen euskal kooperatibek aro globalean bizitako transformazioez eginiko ikerketagatik, eta saiakera lanengatik ere sariak jaso ditu. Euskal Gune Ekosozialistako kide da.
Egin zaitez Jakinkide
Hemen duzu Jakinen ondare guztia. Eta gehiago. Euskal kultura elikatzen eta biziberritzen jarraitzeko berritu dugu Jakin. Eta, orain arte bezala, Jakinen hartzaileok izango zarete gure sostengua.
Egin Jakinkide