Gaitzaren alderdi indibidual eta orokorraren (komunitatea, gizartea, natura) arteko loturak aztertzen dira, osasun eta gaixotasun kontzeptuen eztabaida filosofikoaren harira. Tartean daude birusen izaera, gaitz infekziosoen historia, biologia eta gizartearen eragina eta gaitzaren alderdi ekologikoa.
Gai nagusia sailean, pandemiak agerian utzi dituen gure gizartearen gaitzak eta etorkizun distopikoa irudikatzeko ditugun usteak eta tresnak aztertu dituzte Mario Zubiaga Garate, Arantza Etxeberria Agiriano, Joseba Azkarraga Etxagibel, Irati Zubia Landa eta Joseba Gabilondok. Harkaitz Canok etorkizuna irudikatzen duen fikzio distopikoa erantsi du.