2021-12-20 Albisteak
Urtarrilaren 14an beteko dira hamar urte Txillardegi hizkuntzalari, politikari, ingeniari eta idazlea hil zela. Urteurrenaren harira, bere lanaren gaikako antologiako bi liburu aurkeztuko dira: Txillardegi: euskalgintza eta Txillardegi: intelektuala eta gizartea. Dabilen pentsamendua bildumak lehen euskal pentsalariaren antologia osatuko du bi liburu hauekin. Aurkezpena San Telmo museoan izango da, 19:00etan.
Urteurreneko egitarauak beste hiru hitzordu ere izango ditu:
- Urtarrilak 11, asteartea 19:00etan San Telmo museoan: ‘Txillardegiren hizkuntza politikaren oinarriak eta bere gaurkotasuna’ hitzaldia (Txillardegi Gogoeta Gunea, TMeLab)
- Urtarrilak 13, osteguna 19:00etan San Telmo museoan: Kronikak liburuaren aurkezpena Koldo Izagirre, Garbiñe Ubeda, Juan Luis Zabala eta Gorka Bereziartuarekin (Susa argitaletxea eta Argia aldizkaria)
- Urtarrilak 15, larunbata 12:00etan Txillardegi plazan: X. urteurreneko ekitaldia
- Urtarrilak 18, asteartea 19:00etan San Telmo museoan: Txillardegi: euskalgintza eta Txillardegi: intelektuala eta gizartea liburuen aurkezpena, Alaitz aizpuru, Lorea Agirre eta Igone Lamarainekin (Jakin Fundazioa).
Urteurreneko egitarauaz gain, Donostiako Udal Liburutegi Nagusiari Txillardegiren izena jartzeko sinadura bilketa abian da.