2025-01-08 Albisteak
Júlia Ojeda idazle katalanaren Màtria o barbàrie liburutik abiatuta, mahai inguruan bilduko dira Cira Crespo historialaria eta Idurre Eskisabel Euskalgintzaren Kontseiluko idazkari nagusia, urtarrilaren 23an Donostian. Lorea Agirre gidari, liburuaren aurkezpena baliatuko dute feminismoaz, hizkuntza minorizatuez eta estaturik gabeko nazioez hitz egiteko, Kataluniako eta Euskal Herriko errealitateak gurutzatzen diren zubietan.
Jakinek, Euskalgintzaren Kontseiluak eta Berriak elkarlanean antolatutako mahai ingurua 18:00etan izango da, Donostiako Emakumeen Etxean.
