Joseba Intxaustiri omenaldia Seguran, irailaren 14an
2024-09-02
![](https://www.jakin.eus/thumb?img=https://www.jakin.eus/uploads/albisteak/featuredPhoto/Intxausti FOKU.jpg&width=600)
Joseba Intxausti Jakinen sortzaile eta zuzendariari omenaldia eskainiko diogu irailaren 14an bere jaioterrian, Seguran. Batetik, bere ekarpenari buruzko jardunaldia egingo da eta jarraian, omenaldi ekitaldia.
10:00etan hasiko da Joseba Intxaustiren ekarpena aletzeko jardunaldia Botikaxar aretoan, eta Joseba Agirreazkuenaga, Paulo Agirrebaltzategi eta Nekane Goikoetxea izango dira hizlari. Jarraian, omenaldi ekitaldia egingo da plazan, 12:30ean.
Intxaustiren obra osorik dago eskuragarri euskal pentsamenduaren digitalizazioari eskainitako atalean.