2026-01-29 Albisteak
Jakinek eta EHUko Joxe Azurmendi Katedrak Euskal pentsamenduaren ur-jauzia II kongresua egingo dute abenduaren 16tik 18ra, Donostiako San Telmo Museoan. 2019an egindako Euskal pentsamenduaren ur-jauzia kongresuaren jarraipena izango da, Joxe Azurmendi oroitzeko eta haren lana aitortzea du helburu.
2019ko kongresua komunitate bezala biltzeko baliagarria izan zen, eta, oraingoan, Joxe Azurmendiren pentsamenduaz gogoeta egiteaz gain, asmoa da euskal pentsamenduaren testuinguru berriez, etorkizuneko erronkez, egiturez eta azpiegiturez ere gogoetatzea, Joxe Azurmendik Euskal Herriarekin izan zuen konpromisoarekin jarraituz.
Dagoeneko abian da kongresurako parte-hartze deialdia. Proposamenak bi motatakoak izan daitezke; alde batetik, komunikazioak (egile bakarrarekin edo egile anitzekin), eta, bestetik, sinposioak (gehienez hiru aurkezpenekin). Proposamenak joxeazurmendikatedra@ehu.eus helbidera bidali beharko dira 2026ko uztailaren 15a baino lehen. Bakoitzak gehienez 2.000 karaktere izango ditu eta zera jaso beharko du: izenburua, aztergaia eta laburpena. Denak aztertu ondoren Katedrak horien inguruko azken erabakia hartuko du.