2023-12-05 Albisteak
Artekaleko 49. zenbakian egongo da Jakinen erakusmahaia. Bertan, jarraian azalduko ditugun nobedadeez gain, aldizkariaren aurreko zenbakiak eta liburu bildumetako lanak ere izango dira eskuragarri.
Antolatu ditugun ekimenen artean, abenduaren 8an, 12:00etan Areto Nagusian, JOXE AZURMENDIREN PENTSAMENDUA GAUR mahai ingurua: Haritz Azurmendi, Alba Garmendia eta Mikel Urdangarin, Lorea Agirrek gidatuta.
Joxe Azurmendiren Europa bezain zaharra azken liburuaren aurkezpena solasaldi moduan egingo dute. Liburuaren mamiaren aurkezpenaz gain, Azurmendik azken 60 urtean jorratu duen pentsamenduaren ekarpenaren handiaz, gaurkotasunaz eta potentzialitateaz ariko dira egungo hiru filosofo gazte. Ezagutu itzazu aurrez aurre.
Bestetik, Aleka, Eskafandra eta Jakin Irakurgaiak bildumek nobedade bana dute eskuragarri:
- Europa bezain zaharra. Topoi nazional eta nazionalistak Erdi Aroa eta Ernazimentua ezker
Egilea: Joxe Azurmendi
Bilduma: Jakin Irakurgaiak - Izenburua: Sahara, herri bat erresistentzian
Egilea: Kristina Berasain Tristan
Bilduma: Aleka - Izenburua: Feminismo zuriaren aurka
Egilea: Rafia Zakaria (itzulpena: Amaia Apalauza Ollo)
Bilduma: Eskafandra bilduma feminista