Víctor Gómez Pin (Bartzelona, 1944). Filosofia Sorbonako Unibertsitatean ikasi zuen, eta doktoregoa ordena aristotelikoari buruzko tesi batekin lortu zuen. Frantzian hainbat urtez irakasle izan ondoren, Euskal Herriko Unibertsitateko Filosofia Saileko lehen zuzendaria izan zen. Egun, Bartzelonako Unibertsitate Autonomoko Filosofiako katedradun emeritua da. International Ontology Congress-en sortzailea, 1993tik hamalau edizio antolatu dira Unescoren babespean. Jakiunde Zientzia, Arte eta Letren Akademiako kidea da, eta EHUko honoris causa doktorea. Anagrama eta Espasa de Ensayo sariak eskuratu ditu, eta 2009an Istituto Veneto di Scienze, Lettere ed Arti erakundearen Nazioarteko Saria jaso zuen.
Egin zaitez Jakinkide
Hemen duzu Jakinen ondare guztia. Eta gehiago. Euskal kultura elikatzen eta biziberritzen jarraitzeko berritu dugu Jakin. Eta, orain arte bezala, Jakinen hartzaileok izango zarete gure sostengua.
Egin Jakinkide