Iñaki Antiguedad Auzmendi (Bilbo, 1955). Geologoa eta Zientzietan doktorea da. Euskal Herriko Unibertsitateko Geologia Saileko katedraduna da. ‘Hidro-Ingurumeneko Prozesuak’ Ikerketa Talde Finkatuko arduraduna da, eta taldearen hainbat arlo jorratzen ditu: arro-hidrologia, hidrogeologia, geomorfologia, lurraldea/paisaia/ondarea, klima-aldaketaren eragina ur-baliabideetan… Tokiko, estatuko eta nazioarteko hainbat proiektutan hartu du parte, ikerketakoak zein garapen-lankidetzakoak, eta orain esku artean ditu Euskal Herrian, Pirinioetan eta Karakorumen abiatutakoak. Aipatzekoa da taldeak euskal erakundeekin dituen ikerketa-kontratuak. Ekoizpen zientifikoaren aldetik, 70etik gora argitalpen ditu nazioarteko aldizkari zientifikoetan. Hamabost bat doktore-tesi zuzendu ditu. Eusko Jaurlaritzako Uraren Kontseiluko eta Lurralde Politikarako Aholku Batzordeko kidea da. Ezagutzaren dibulgazioan dabil aspalditik hainbat hedabidetan.
Egin zaitez Jakinkide
Hemen duzu Jakinen ondare guztia. Eta gehiago. Euskal kultura elikatzen eta biziberritzen jarraitzeko berritu dugu Jakin. Eta, orain arte bezala, Jakinen hartzaileok izango zarete gure sostengua.
Egin Jakinkide