2025-11-24 Albisteak
Txinparta Filosofiazaleen Sareak antolatutako Joxe Azurmendi gaur hitzaldian izango gara abenduaren 4an, Teila Fabrikan (Donostia). Euskararen, euskal pentsamenduaren eta filosofiaren arteko lotura hizpide, elkarrizketan arituko dira Haritz Azurmendi Arrue Jakineko kidea eta Bagera elkarteko Aiora Enparantza, 19:30etik aurrera.
Filosofia sareak antolatutako lehenengo Elkar&hizketa filosofikoa ekimenaren parte da hitzaldia, eta «filosofiatik beste arlo batzuekin zubiak eraikitzeko eta pentsamendu kritikoa elkarrekin zabaltzeko» asmoz antolatu dute.