![](https://www.jakin.eus/thumb?img=/uploads/albisteak/featuredPhoto/images.jpeg&width=600)
Zenbaki berezia da benetan honako hau: 60ko hamarkadatik hona aldizkaria zuzendu duen Jakin Talde historikoak lekukoa utzi dio zuzendaritza talde berri bati. Aldaketa bai, baina, batez ere, jarraipena: Jakinen egitasmoaren betidaniko oinarri, xede eta irizpideei helduko die hamalau lagunek osatutako Kontseilu Editorial berriak. Gure iritziz saileko bi editorialetan argi azaltzen denez, ‘iraganetik etorkizunera’ daraman urratsa egitera goaz, beti ere ‘Jakinen lezioa’ gogoan.