Jakinen XX. eta XXI. mendeetako euskal pentsamenduaren transmisioa proiektuak jaso du 2017ko Elkar Saria
Txillardegiren lana hedatzeko ikus-entzunezkoak, liburuak eta web orrialde propioa osatuko ditu Jakinek
![](https://www.jakin.eus/thumb?img=/uploads/albisteak/featuredPhoto/ELKAR SARIA.jpg&width=600)
Euskal pentsamenduaren transmisioa sustatzeko XX. eta XXI. mendeetako euskal pentsamenduaren transmisioa proiektua jarriko du martxan Jakinek 2017ko Elkar Sariari esker. Proiektuaren lehen urratsa Txillardegiren obra ezagutzera ematea izango da. 10.000 euroko diru laguntza jasoko du horretarako Jakinek sariarekin, eta Txillardegiren inguruko liburu bilduma, ikus-entzunezko laburrak, eta haren obra digitalizatuarekin web atari berezia osatuko ditu Jakinek.