Pentsatzen duguna kolektiboki zaintzen aritzen gara, eta bada zaintza kolektiboa pentsatzeko garaia. Jakineko lantaldea osatzen dugun kideok bat egingo dugu greba feminista orokorrarekin.
Irakurri greba deitzeko arrazoiak eta zaintza sistema publiko-komunitario baterako proposamena
Rafia Zakaria abokatu, kazetari eta idazlearen Against White Feminism liburu astintzailea da Eskafandra bilduma feministaren ekarpen berria: Feminismo zuriaren aurka. Amaia Apalauzak egin du itzulpena.
Geruzak proiektuak beste hiru gai landuko ditu, bederatziko sorta osatuz. Etorkizunari buruzko gogoeta aurkeztu da azaroaren 16an Errenterian. Lau dira ikus-entzunezko berrietako gazte protagonistak: Julene Susana Samuel, Maialen Imaz, Maren Durán eta Mikelsa Etxebarria. Aurkezteko geratzen diren bi gaiak Edertasuna eta Maitasuna dira.
Joxe Azurmendiren Europa bezain zaharra. Topoi nazionalak eta nazionalistak Erdi Aroa eta Ernazimentua ezkero liburu berriaz (Jakin Irakurgaiak) aritu gara hitzaurrearen egile Haritz Azurmendirekin. Euskadi irratiko zein Radio Euskadiko Jakingunerako egindako elkarrizketa.
Euskadi Irratikoa entzun
Radio Euskadikoa entzun
Gizarte mugimenduen elkargune berriak lantzen ditu zenbakiak, UEUrekin eta Usurbilgo Udalarekin elkarlanean antolatutako Jakin Jardunaldiak abiapuntu hartuta.
Metrokoadroka kolektiboaren Artxibo biluzia proiektuak eskuratu zuen lehen Joan Mari Torrealdai beka iaz eta ikerketa eszenikoan murgilduta aritu ostean, jendaurrean aurkeztuko dute orain arteko lanak emana urriaren 22an, Usurbilgo Sutegiko auditoriumean. 18:00etan izango da emanaldia eta jarraian ikusleek aukera izango dute proiektuko kideekin hitz egiteko. Sarrerak gonbidapen bidez eskuratu ahalko dira.
